ராவல்பிண்டி: பாகிஸ்தான் - இலங்கை அணிகள் இடையிலான 2-வது டெஸ்ட் கிரிக்கெட் போட்டி ராவல்பிண்டியில் நடைபெற்று வருகிறது. இதன் முதல் இன்னிங்ஸில் இலங்கை அணி 22 ஓவர்களில் 98 ரன்களுக்கு ஆட்டமிழந்தது.
இதையடுத்து விளையாடிய பாகிஸ்தான் அணி நேற்றைய 2-வது நாள் ஆட்டத்தில் 87.5 ஓவர்களில் 325 ரன்கள் குவித்து ஆட்டமிழந்தது. அதிகபட்சமாக காஸி ஹோரி 54 ரன்கள் சேர்த்தார்.
இலங்கை அணி தரப்பில் லகிரு குமரா 5 விக்கெட்களை வீழ்த்தினார். 123 ரன்கள் பின்தங்கிய நிலையில் 2-வது இன்னிங்ஸை விளையாடிய இலங்கை அணி 2-வது நாள் ஆட்டத்தின் முடிவில் 22 ஓவர்களில் 3 விக்கெட்கள் இழப்புக்கு 74 ரன்கள் எடுத்தது. லகிரு உதரா 7, தினேஷ் சந்திமால் 0, கமிந்து மெண்டிஸ் 16 ரன்களில் ஆட்டமிழந்தனர். பசிந்து சூரியபண்டரா 18, தனஞ்ஜெயா டி சில்வா 24 ரன்களுடன் களத்தில் இருந்தனர். 3-வது நாள் ஆட்டம் இன்று நடைபெறுகிறது.