புதுடெல்லி: பிஃபா உலகக் கோப்பை கால்பந்து தொடர் வரும் ஜூன் 11 முதல் ஜூலை 19 வரை நடைபெற உள்ளது. இம்முறை உலகக் கோப்பை கால்பந்து தொடரை கனடா, மெக்சிகோ, அமெரிக்கா ஆகிய 3 நாடுகள் இணைந்து நடத்துகின்றன. இந்தத் தொடரில் 48 அணிகள் கலந்து கொள்கின்றன.
இந்நிலையில் கனடாவில் ஜூன் 12-ம் தேதி நடைபெறும் உலகக் கோப்பை கால்பந்து தொடரின் தொடக்க விழாவில் பிரபல நடிகை நோரா ஃபதேஹி பங்கேற்கும் கலைநிகழ்ச்சி நடைபெற உள்ளது. இதை பிஃபா தனது இன்ஸ்டாகிராம் பக்கத்தில் நேற்று அறிவித்துள்ளது.
மைக்கேல் பப்பில், அலனிஸ் மோரிசெட், அலேசியா காரா, எலியானா, ஜெஸ்ஸி ரேயெஸ், சஞ்சோய், வெஜிட்ரீம், வில்லியம் பிரின்ஸ் ஆகியோருடன் இணைந்து மேடையில் தனது கலைநிகழ்ச்சியை வழங்கவுள்ளார் நோரா ஃபதேஹி. இந்த நிகழ்ச்சி டொராண்டோவில் உள்ள பிஎம்ஓ ஃபீல்ட் மைதானத்தில் நடைபெறவுள்ளது.