ஜோகன்னஸ்பர்க்: இந்திய மகளிர் கிரிக்கெட் அணி வரும் டிசம்பர் மாதம் தென் ஆப்பிரிக்காவில் சுற்றுப்பயணம் செய்து ஒரே ஒரு டெஸ்ட், 3 ஒருநாள் கிரிக்கெட் போட்டிகள் கொண்ட தொடரில் விளையாட திட்டமிட்டு இருந்தது.
இந்நிலையில் இந்த போட்டி மாற்றி அமைக்கப்பட்டு கூடுதலாக 3 டி20 ஆட்டங்களும் சேர்க்கப்பட்டுள்ளன. டெஸ்ட் போட்டி டிசம்பர் 9 முதல் 12 வரை நடைபெறுகிறது. இதைத் தொடர்ந்து 16-ம் தேதி முதல் 22-ம் தேதி வரை ஒருநாள் போட்டித் தொடர் நடத்தப்படுகிறது.
இதன் பின்னர் 26 முதல் 30-ம் தேதி வரை 3 டி20 ஆட்டங்கள் கொண்ட தொடர் நடைபெறும் என தென் ஆப்பிரிக்க கிரிக்கெட் வாரியம் அறிவித்துள்ளது.