சென்னை: ஹாக்கி இந்தியா லீக் போட்டியில் ஜேஎஸ்டபிள்யூ சூர்மா அணி அபார வெற்றியைப் பெற்றுள்ளது.
சென்னை எழும்பூர் மேயர் ராதா கிருஷ்ணன் மைதானத்தில் இப்போட்டி நடைபெற்று வருகிறது. நேற்று நடைபெற்ற லீக் ஆட்டத்தில் ஜேஎஸ்டபிள்யூ சூர்மா கிளப் அணி 3-1 என்ற கணக்கில் ஹைதராபாத் தூபான்ஸ் அணியை வீழ்த்தியது.
ஆட்ட நேரத்தில் இரு அணிகளும் தலா ஒரு கோல் போட்டு சமநிலையில் இருந்தன. சூர்மா அணியின் கேப்டன் ஹர்மன்பிரீத் சிங் ஒரு கோலும், ஹைதராபாத் அணியின் அமன்தீப் லக்ரா ஒரு கோலும் அடித்தனர்.
இதையடுத்து வெற்றியைத் தீர்மானிக்க பெனல்டி ஷூட்-அவுட் முறை கடைப்பிடிக்கப்பட்டது. இதில் சூர்மா கிளப் அணி 3 கோல்களையும், ஹைதராபாத் அணி ஒரு கோலையும் போட்டது. இதையடுத்து சூர்மா கிளப் அணி 3-1 என்ற கணக்கில் வெற்றியை வசப்படுத்தியது.