பிரெஞ்சு ஓபன் டென்னிஸ்: ஜன்னிக் சின்னர் அதிர்ச்சி தோல்வி

பாரிஸ்: பிரெஞ்சு ஓபன் டென்னிஸ் தொடர் பாரிஸ் நகரில் நடைபெற்று வரு​கிறது. இதன் 5-வது நாளான நேற்று ஆடவர் ஒற்றையர் பிரிவு 2-வது சுற்​றில் முதல் நிலை வீர​ரான இத்தாலியின் ஜன்னிக் சின்னர், 56-ம் நிலை வீர​ரான அர்​ஜெண்​டி​னா​வின் ஜூவான் மானுவல் செருண்​டோலோவை எதிர்த்து விளை​யாடி​னார். முதல் 2 செட்​களை​யும் ஜன்​னிக் சின்​னர் 6-3, 6-2 என எளி​தாக கைப்பற்றினார்.

3-வது செட்​டில் கடும் நெருக்​கடி கொடுத்த ஜூவான் மானுவல் செருண்​டோலோ அந்த செட்டை 7-5 என தன்​வசப்​படுத்​தி​னார். இதனால் ஆட்​டத்​தில் பரபரப்பு அதி​க​மானது. இதன் பின்​னர் அடுத்த 2 செட்​களி​லும் முழு​மை​யாக ஆதிக்​கம் செலுத்​திய ஜூவான் மானுவல் செருண்​டோலோ 6-1, 6-1 என கைப்​பற்றி ஜன்னிக் சின்​னருக்கு அதிர்ச்சி கொடுத்​தார்.

முடி​வில் 3 மணி நேரம் 36 நிமிடங்​கள் நடை​பெற்ற இந்த ஆட்டத்தில் ஜூவான் மானுவல் செருண்​டோலோ 3-6, 2-6, 7-5, 6-1, 6-1 என்ற செட் கணக்​கில் ஜன்​னிக் சின்​னரை தோற்​கடித்து 3-வது சுற்​றுக்கு முன்​னேறி​னார். மகளிர் ஒற்​றையர் பிரிவு 2-வது சுற்​றில் 16-ம் நிலை வீராங்​க​னை​யான ஜப்​பானின் நவோமி ஒசா​கா, 72-ம் நிலை வீராங்​க​னை​யான குரோஷி​யா​வின் டோனா வெகிக்கை எதிர்​கொண்​டார். இதில் நவோமி ஒசாகா 7-6 (7-1), 6-4 என்ற செட் கணக்​கில் வெற்றி பெற்று 3-வது சுற்​றுக்​கு முன்​னேறி​னார்​.