சென்னை சூப்பர் கிங்ஸுக்கு முதல் வெற்றி: டெல்லி கேப்​பிடல்ஸை வீழ்த்​தி​யது எப்படி?

சென்னை: ஐபிஎல் தொடரில் நேற்று சென்னை சேப்​பாக்​கம் எம்.ஏ.சிதம்​பரம் மைதானத்​தில் நடை​பெற்ற ஆட்​டத்​தில் சிஎஸ்கே - டெல்லி கேப்​பிடல்ஸ் அணி​கள் மோதின. டாஸ் வென்ற டெல்லி அணி​யின் கேப்​டன் அக்​சர் படேல் பீல்​டிங்கை தேர்வு செய்​தார். முதலில் பேட் செய்த சிஎஸ்கே அணிக்கு சஞ்சு சாம்​சன் அதிரடி தொடக்​கம் கொடுத்​தார்.

பவர்​பிளே​வில் சிஎஸ்கே அணி 61 ரன்​கள் குவித்​தது. நிதான​மாக விளை​யாடிய ருது​ராஜ் கெய்க்​வாட் 18 பந்​துகளில், ஒரு பவுண்​டரி​யுடன் 15 ரன்​கள் எடுத்த நிலை​யில் அக்​சர் படேல் பந்தை டீப் மிட்விக்​கெட் திசை​யில் தூக்கி அடித்த போது பதும் நிசங்​கா​விடம் கேட்ச் ஆனது.

இதையடுத்து களமிறங்​கிய ஆயுஷ் மாத்ரே மட்​டையை சுழற்​றி​னார். 10 ஓவர்​களின் முடி​வில் சிஎஸ்கே 88 ரன்​கள் சேர்த்​தது. நடராஜன் வீசிய 11-வது ஓவரின் முதல் பந்தை ஆயுஷ் மாத்ரே பவுண்​டரிக்கு விரட்ட ஃபுல்​டா​சாக வீசிய 3-வது பந்தை சஞ்சு சாம்​சன் டீப் மிட் விக்​கெட் திசை​யில் சிக்​ஸர் விளாசி​னார். இந்த ஓவரில் மட்​டும் 15 ரன்​கள் சேர்க்​கப்​பட்​டன.

நடராஜன் வீசிய 15-வது ஓவரில் ஆயுஷ் மாத்ரே சிக்​ஸர் ஒன்றை விளாச, சஞ்சு சாம்​சன் தலா ஒரு சிக்​ஸர், பவுண்​டரி விரட்​டி​னார். இந்த ஓவரில் 19 ரன்​கள் விளாசப்​பட்​டன. சிறப்​பாக விளை​யாடி வந்த ஆயுஷ் மாத்ரே 36 பந்​துகளில், 4 சிக்​ஸர்​கள், 3 பவுண்​டரி​களு​டன் 59 ரன்​கள் எடுத்த நிலை​யில் ரிட்​டயர்டு அவுட் முறை​யில் வெளி​யேறி​னார். அப்​போது சிஎஸ்கே 17 ஓவர்​களில் ஒரு விக்​கெட் இழப்​புக்கு 173 ரன்​கள் குவித்​திருந்​தது. 2-வது விக்​கெட்​டுக்கு சஞ்சு சாம்​சனுடன் இணைந்து ஆயுஷ் மாத்ரே 67 பந்​துகளில், 113 ரன்​கள் சேர்த்​திருந்​தார். இதையடுத்து ஷிவம் துபே களமிறங்​கி​னார். அதிரடி​யாக விளை​யாடிய சஞ்சு சாம்​சன் 52 பந்​துகளில், 3 சிக்​ஸர்​கள், 14 பவுண்​டரி​களு​டன் சதம் விளாசி​னார். இது அவரது 4-வது சதமாக அமைந்​தது.

லுங்கி நிகிடி வீசிய 19-வது ஓவரின் முதல் பந்தை ஷிவம் துபே பவுண்​டரிக்கு விரட்ட கடைசி பந்தை சஞ்சு சாம்​சன் சிக்​ஸருக்கு பறக்​க​விட்​டார். முகேஷ் குமார் வீசிய கடைசி ஓவரில் ஷிவம் துபே தலா ஒரு சிக்​ஸர், பவுண்​டரி விரட்டி அசத்​தி​னார். 20 ஓவர்​கள் முடி​வில் சிஎஸ்கே அணி 2 விக்​கெட்​கள் இழப்​புக்கு 212 ரன்​கள் குவித்​தது. சஞ்சு சாம்​சன் 56 பந்​துகளில், 4 சிக்​ஸர்​கள், 15 பவுண்​டரி​களு​டன் 115 ரன்​களும், ஷிவம் துபே 10 பந்​துகளில், ஒரு சிக்​ஸர்​, 2 பவுண்​டரி​களு​டன்​ 20 ரன்​களும்​ விளாசி ஆட்​ட​மிழக்​காமல்​ இருந்தனர்.

213 ரன்​கள் இலக்​குடன் பேட் செய்த டெல்லி அணிக்கு பதும் நிஷங்​கா, கே.எல்​.​ராகுல் ஜோடி அதிரடி தொடக்​கம் கொடுத்​தது. கே.எல்​.​ராகுல் 10 பந்​துகளில், ஒரு சிக்​ஸர், 2 பவுண்​டரி​களு​டன் 18 ரன்​கள் எடுத்த நிலை​யில் கலீல் அகமது வீசிய பந்தை விளாச முயன்ற போது மிட்விக்​கெட் திசை​யில் நின்ற ஜேமி ஓவர்​டனிடம் கேட்ச் ஆனது. முதல் விக்​கெட்​டுக்கு கே.எல்​.​ராகுல், பதும் நிஷங்கா ஜோடி 5 ஓவர்​களில் 61 ரன்​கள் சேர்த்​தது.

மட்​டையை சுழற்​றிய பதும் நிஷங்கா 24 பந்​துகளில், 2 சிக்​ஸர்​கள், 5 பவுண்​டரி​களு​டன் 41 ரன்​கள் எடுத்த நிலை​யில் அன்​ஷுல் கம்​போஜ் பந்​தில் மிட் ஆன் திசை​யில் டெ​வால்ட் பிரே​விஸிடம் கேட்ச் கொடுத்து வெளி​யேறி​னார். இதையடுத்து களமிறங்​கிய கேப்​டன் அக்​சர் படேல் ஒரு ரன் எடுத்த நிலை​யில் குர்​ஜப்​னீத் சிங்​கின் பந்​து​வீச்​சில் சர்ஃப​ராஸ் கானின் அற்​புத​மான கேட்ச் காரண​மாக நடையை கட்​டி​னார். கடந்த சில ஆட்​டங்​களில் அதிரடி​யாக விளை​யாடிய சமீர் ரிஸ்வி 9 பந்​தில் 6 ரன்​கள் எடுத்த நிலை​யில் ஜேமி ஓவர்​டன் பந்தை டீப் ஸ்கொயர் லெக் திசை​யில் விளாசிய போது டெவால்ட் பிரே​விஸிடம் கேட்ச் ஆனது.

இதன் பின்​னர் டேவிட் மில்​லர் 14 பந்​துகளில், 17 ரன்​கள் எடுத்த நிலை​யில் ஜேமி ஓவர்​டன் பந்​தில் போல்​டா​னார். இம்​பாக்ட் பிளேயர் விதி​யின் கீழ் களமிறங்​கிய அதிரடி வீர​ரான அஷுதோஷ் சர்மா 10 பந்​துகளில், 2 சிக்​ஸர்​கள், ஒரு பவுண்​டரி​யுடன் 19 ரன்​கள் எடுத்த நிலை​யில் நூர் அகமது பந்​தில் டீப் பாயிண்ட் திசை​யில் அன்​ஷுல் கம்​போஜிடம் பிடி​கொடுத்து வெளி​யேறி​னார். அவரைத் தொடர்ந்து ஆகிப் நபி 4ரன்​களில் ஜேமி ஓவர்​டன் பந்​தில் ஆட்​ட​மிழந்​தார்.

16 ஓவர்​களில் டெல்லி அணி 7 விக்​கெட்​கள் இழப்​புக்கு 156 ரன்​கள் எடுத்​திருந்​தது. டிரிஸ்​டன் ஸ்டப்​ஸ், குல்​தீப் யாதவ் ஆகியோர் களத்​தில் இருந்த நிலை​யில் கடைசி 4 ஓவர்​களில் டெல்லி அணி​யின் வெற்​றிக்கு 57 ரன்​கள் தேவை​யாக இருந்​தன.

சீராக ரன்​கள் சேர்த்த டிரிஸ்​டன் ஸ்டப்ஸ் 30 பந்​துகளில், 3 சிக்​ஸர்​கள், 2 பவுண்​டரி​களு​டன் அரை சதம் அடித்​தார். இது அவரது 4-வது அரைசத​மாக அமைந்​தது. அன்​ஷுல் கம்​போஜ் வீசிய 18-வது ஓவரில் டிரிஸ்​டன் ஸ்டப்ஸ் 2 பவுண்​டரி​கள் அடித்​தார். கடைசி 2 ஓவர்​களில் டெல்லி அணி​யின் வெற்​றிக்கு 32 ரன்​கள் தேவை​யாக இருந்​தன. இந்த ஓவரின் 3-வது பந்தை

டிரிஸ்​டன் ஸ்டப்ஸ் மிட் ஆஃப் திசை​யில் அடித்த போது நூர் அகமது​விடம் கேட்ச் ஆனது. டிரிஸ்​டன் ஸ்டப்ஸ் 38 பந்​துகளில், 3 சிக்​ஸர்​கள், 4 பவுண்​டரிகளு​டன் 60 ரன்​கள் சேர்த்​தார்.

இதையடுத்து லுங்கி நிகிடி களமிறங்​கி​னார். எஞ்​சிய 3 பந்துகளையும் சிறப்​பாக வீசிய ஜேமி ஓவர்​டன் வெறும் 4 ரன்களை மட்​டுமே விட்​டுக்​கொடுத்​தார். அன்ஷுல் கம்​போஜ் வீசிய கடைசி ஓவரில் டெல்லி அணி​யின் வெற்​றிக்கு 28 ரன்​கள் தேவை​யாக இருந்​தன. முதல் பந்​தில் குல்​தீப் யாதவ் (4) ஆட்டமிழந்தார். இதையடுத்து நடராஜன் களமிறங்​கி​னார். கடைசி பந்​தில் லுங்கி நிகிடி (3) சிலிப் திசை​யில் குர்​ஜப்​னீத் சிங்கிடம் பிடி​கொடுத்து ஆட்​ட​மிழந்​தார்.

20 ஓவர்​களின் முடி​வில் டெல்லி அணி 189 ரன்​களுக்கு அனைத்து விக்​கெட்​களை​யும் இழந்​தது. இதனால் சிஎஸ்கே அணி 23 ரன்​கள் வித்​தி​யாசத்​தில் வெற்றி பெற்​றது. சிஎஸ்கே தரப்​பில் ஜேமி ஓவர்​டன் 4 ஓவர்​களை வீசி 18 ரன்​களை விட்​டுக் ​கொடுத்து 4 விக்​கெட்​களை வீழ்த்​தி​னார். அன்​ஷுல் கம்​போஜ் 3 விக்​கெட்​களை கைப்​பற்​றி​னார். கலீல் அகமது, குர்​ஜப்​னீத் சிங், நூர் அகமது ஆகியோர் தலா ஒரு விக்​கெட் கைப்​பற்​றினர்.

சிஎஸ்​கேவுக்கு இது முதல் வெற்​றி​யாக அமைந்​தது. 4 ஆட்​டங்​களில் விளை​யாடி உள்ள சிஎஸ்கே ஒரு வெற்​றி, 3 தோல்வி​களு​டன் 2 புள்​ளி​களை பெற்று பட்​டியலில் 9-வது இடத்​தில் உள்​ளது. டெல்லி அணிக்கு இது 2-வது தோல்​வி​யாக அமைந்​தது. அந்த அணி 4 ஆட்​டங்​களில் விளை​யாடி 2 வெற்​றி, 2 தோல்வி​களு​டன் 4 புள்​ளி​கள்​ பெற்​று பட்​டியலில்​ 4-வது இடத்​தில்​ உள்ளது.

>​முதல் முறை​யாக.. டெல்லி அணிக்கு எதி​ரான ஆட்​டத்​தில் சிஎஸ்கே அணி​யின் தொடக்க ஜோடி​யான சஞ்சு சாம்​சன், ருது​ராஜ் கெய்க்​வாட் ஜோடி முதல் விக்​கெட்​டுக்கு 38 பந்​துகளில், 62 ரன்​கள் சேர்த்​தது. நடப்பு ஐபிஎல் தொடரில் சிஎஸ்கே அணி தற்​போது​தான் முதல் விக்​கெட்​டுக்கு அதிக ரன்​கள் சேர்த்​துள்​ளது. முதல் 3 ஆட்​டங்​களி​லும் சிஎஸ்கே அணி​யின் தொடக்க ஜோடி முறையே 14, 14 மற்​றும் 9 ரன்​களே சேர்த்து இருந்​தது.

>52 ரன்​னில் தப்​பித்த சாம்​சன்: சஞ்சு சாம்​சன் 52 ரன்​கள் எடுத்​திருந்த போது அக்​சர் படேல் வீசிய 10-வது ஓவரின் 3-வது பந்தை லாங் ஆஃப் திசை​யில் அடித்த போது பதும் நிஷங்கா கேட்ச் செய்​யத் தவறி​னார். இந்தை வாய்ப்பை சரி​யாக பயன்​படுத்​திக் கொண்ட சாம்​சன் 56 பந்​துகளில் 115 ரன்​கள் விளாசி அசத்​தி​னார்.

>சதம் அடித்த 2-வது சிஎஸ்கே வீரர்: ஐபிஎல் தொடரில் நேற்று சேப்​பாக்​கத்​தில் டெல்லி அணிக்கு எதி​ராக நடை​பெற்ற ஆட்​டத்​தில் சிஎஸ்கே அணி​யின் சஞ்சு சாம்​சன் 115 ரன்​கள் விளாசி அசத்​தி​னார். இதன் மூலம் டெல்லி அணிக்கு எதி​ராக சதம் அடித்த 2-வது சிஎஸ்கே வீரர் என்ற பெரு​மையை சஞ்சு சாம்​சன் பெற்​றார். இதற்கு முன்​னர் 2012-ம் ஆண்டு இதே மைதானத்​தில் முரளி விஜய் 113 ரன்​கள் எடுத்​திருந்​தார்.

>6-வது வீரர்: ஐபிஎல் தொடரில் நேற்று டெல்லி அணிக்கு எதி​ரான ஆட்​டத்​தில் சிஎஸ்கே அணி​யின் ஆயுஷ் மாத்ரே 59 ரன்​கள் எடுத்த நிலை​யில் ரிட்​டயர்டு அவுட் முறை​யில் வெளி​யேறி​னார். ஐபிஎல் வரலாற்​றில் இது​போன்று ரிட்​டயர்டு அவுட் முறை​யில் வீரர் ஒரு​வர் ஆட்​ட​மிழந்து வெளி​யேறு​வது இது 6-வது முறை​யாகும். இதற்கு முன்​னர் 2022-ல் அஸ்​வின் (28), 2023-ல் அதர்வா டைடு (55), சாய் சுதர்​சன் (43), 2025-ல் திலக் வர்மா (25), டேவன் கான்வே (69) ஆகியோர் ரிட்​டயர்டு அவுட் முறை​யில் வெளி​யேறிருந்​தனர்.

>63-வது பந்​தில் முதல் சிக்ஸ்: டெல்லி அணிக்கு எதி​ராக நேற்று சேப்​பாக்​கத்​தில் நடை​பெற்ற ஆட்​டத்​தில் சிஎஸ்கே அணி 62 பந்​துகளுக்கு பிறகு முதல் சிக்​ஸரை அடித்​தது.

>2026-ல் முதல் சதம்: ஐபிஎல் தொடரில் நேற்று டெல்லி அணிக்கு எதி​ரான ஆட்​டத்​தில் சிஎஸ்கே அணி​யின் சஞ்சு சாம்​சன் சதம் விளாசி​னார். நடப்பு ஐபிஎல் தொடரில் அடிக்​கப்​பட்ட முதல் சதம் இது​வாகும். 2026-ம் ஆண்டு தொடரில் 18-வது ஆட்​டத்​தில் முதல் சதம் அடிக்​கப்​பட்​டுள்​ளது.

>‘படையப்பா’ ரஜினி பாணி​யில் சல்​யூட்: சதம் அடித்த மகிழ்ச்​சியை சஞ்சு சாம்சன், படையப்பா படத்​தில் நடிகர் ரஜினி​காந்த் ஸ்டைலாக அடிக்​கும் சல்​யூட் போன்று சல்​யூட் அடித்து காண்​பித்​தார். இது ரசிகர்​களை வெகு​வாக கவர்ந்​தது.

>3 முறை தப்​பித்த ஆயுஷ் மாத்ரே: ஆயுஷ் மாத்ரே 9 ரன்​களில் இருந்த போது ரன் அவுட் ஆவதில் இருந்து தப்​பித்​தார். இதன் பின்​னர் அவர், 23 ரன்​னில் கொடுத்த கேட்ச்சை குல்​தீப் யாத​வும், 54 ரன்​களில் இருந்​த போது கொடுத்​த கேட்ச்​சை டேவிட்​ மில்​லரும்​ தவறவிட்டனர்.

>32 ஆயிரம் ரசிகர்கள்: நேற்று போட்டியை காண்பதற்காக மைதானத்தில் சுமார் 32,144 ரசிகர்கள் குவிந்திருந்தனர்.