திண்டுக்கல்: டிஎன்பிஎல் கிரிக்கெட் போட்டியின் லீக் ஆட்டத்தில் சேப்பாக் சூப்பர் கில்லீஸ் அணி 7 விக்கெட்கள் வித்தியாசத்தில் திண்டுக்கல் டிராகன்ஸ் அணியை வென்றது.
இப்போட்டி திண்டுக்கல் என்பிஆர் கல்லூரி மைதானத்தில் நேற்று நடைபெற்றது. முதலில் விளையாடிய திண்டுக்கல் அணி 20 ஓவர்களில் 8 விக்கெட் இழப்புக்கு 126 ரன்கள் குவித்தது. அதிகபட்சமாக ஷிவம் சிங் 25 ரன்கள் எடுத்தார்.
பின்னர் விளையாடிய சேப்பாக் சூப்பர் கில்லீஸ் அணி 16.2 ஓவர்களில் 3 விக்கெட் இழப்புக்கு 131 ரன்கள் குவித்து வெற்றி கண்டது.
சேப்பாக் அணியின் என்.ஜெகதீசன் அபாரமாக விளையாடி 58 பந்துகளில் 90 ரன்கள் (8 பவுண்டரி, 5 சிக்ஸர்) குவித்து ஆட்டமிழக்காமல் இருந்தார்.