மெல்பர்ன்: ஆஸ்திரேலிய ஓபன் டென்னிஸ் தொடரின் 3-வது நாளான நேற்று ஆடவர் ஒற்றையர் பிரிவு முதல் சுற்றில் நடப்பு சாம்பியனுமான 2-ம் நிலை வீரரான இத்தாலியின் ஜன்னிக் சின்னர், 93-ம் நிலை வீரரான பிரான்ஸின் ஹ்யூகோ கஸ்டனுடன் மோதினார். இதில் ஜன்னிக் சின்னர் 6-2, 6-1 என்றசெட் கணக்கில் முன்னிலையில் இருந்தபோது காயம் காரணமாக ஹ்யூகோ கஸ்டன் விலகினார். இதனால் ஜன்னிக் சின்னர் 2-வது சுற்றுக்கு முன்னேறினார்.
5-ம் நிலை வீரரான இத்தாலியின் லாரேன்ஸோ முசெட்டி, பெல்ஜியத்தின் ரஃபேல் கோலிக்னானுடன் மோதினார். இதில் லாரேன்ஸோ முசெட்டி 4-6, 7-6 (7-3), 7-5, 3-2 என்ற செட் கணக்கில் முன்னிலையில் இருந்த போது ரஃபேல் கோலிக்னான் காயம் காரணமாக விலகினார். இதனால் லாரேன்ஸோ முசெட்டி 2-வது சுற்றுக்கு முன்னேறினார்.
8-ம் நிலை வீரரான அமெரிக்காவின் பென் ஷெல்டன் 6-3, 7-6 (7-2), 7-6 (7-5) என்ற செட் கணக்கில் பிரான்ஸின் உகோ ஹம்பர்ட்டையும், 9-ம் நிலை வீரரான அமெரிக்காவின் டெய்லர் ஃபிரிட்ஸ் 7-6 (7-5), 5-7, 6-1, 6-3 என்ற செட் கணக்கில் பிரான்ஸின் வாலண்டைன் ராயரையும் வீழ்த்தி 2-வது சுற்றில் நுழைந்தனர். பிரான்ஸின் கேல் மோன்பில்ஸ் 7-6 (7-3), 5-7, 4-6, 5-7 என்ற செட் கணக்கில் ஆஸ்திரேலியாவின் டேன் ஸ்வீனியிடமும், பல்கேரியா
வின் கிரிகோர் டிமிட்ரோவ் 4-6, 4-6, 3-6 என்ற சட் கணக்கில் செக்குடியரசின் தாமஸ் மச்சாக்கிடமும் தோல்வி அடைந்தனர். 15-ம் நிலை வீரரான ரஷ்யாவின் கரேன் கச்சனோவ் 4-6, 6-4, 6-3, 5-7, 6-3 என்ற செட் கணக்கில் அமெரிக்காவின் அலெக்ஸ் மைக்கேல்சென்னையும், 16-ம் நிலை வீரரான செக்குடியரசின் ஜக்குப் மென்சிக் 7-5, 4-6, 2-6, 7-6 (7-1), 6-3 என்ற செட் கணக்கில் ஸ்பெயினின் பாப்லோகர்ரேனோ பஸ்டாவையும் வீழ்த்தி 2-வது சுற்றுக்கு முன்னேறினர்.
மகளிர் ஒற்றையர் பிரிவு முதல் சுற்றில் நடப்பு சாம்பியனும் 9-ம் நிலை வீராங்கனையுமான அமெரிக்காவின் மேடிசன் கீஸ் 7-6 (8-6), 6-1 என்ற செட் கணக்கில் உக்ரைனின் ஒலெக்ஸாண்ட்ரா ஒலினிகோவாவையும், 5-ம் நிலை வீராங்கனையான கஜகஸ்தானின் எலெனா ரைபகினா 6-4, 6-3 என்ற செட் கணக்கில் ஸ்லோவேனியாவின் கஜா ஜூவானையும், 10-ம் வீராங்கனையான சுவிட்சர்லாந்தின் பெலின்டா பென்சிக் 6-0, 7-5 என்ற செட் கணக்கில் கிரேட் பிரிட்டனின் கேட்டி போல்டரையும் வீழ்த்தி 2-வது சுற்றில் கால்பதித்தனர்.
18-ம் நிலை வீராங்கனையான ரஷ்யாவின் லியுட்மிலா சாம்சோனோவா 6-0, 5-7, 4-6 என்ற செட் கணக்கில் ஜெர்மனியின் லாரா சீக்மண்ட்டிடம் தோல்வி அடைந்தார். இதேபோன்று 22-ம் நிலை வீராங்கனையான கனடாவின் லெய்லா பெர்னாண்டஸ் 2-6, 6-7 (1-7) என்ற செட் கணக்கில் இந்தோனேஷியாவின் ஜானிஸ் டிஜெனிடம் வீழ்ந்தார். 24-ம் நிலை வீராங்கனையான லாத்வியாவின் ஜெலினா ஓஸ்டாபென்கோ 6-4, 6-4 என்ற செட் கணக்கில் சுலோவேக்கியாவின் ரெபேக்கா ஸ்ரம்கோவாவை வீழ்த்தி 2-வது சுற்றுக்கு முன்னேறினார். 16-ம் நிலை வீராங்கனையான ஜப்பானின் நவோமி ஒசாகா 6-3, 3-6, 6-4 என்ற செட் கணக்கில் குரோஷியாவின் அன்டோனியா ருஸிக்கை வீழ்த்தினார்.
இந்திய ஜோடி தோல்வி
ஆடவர் இரட்டையர் பிரிவு முதல் சுற்றில் இந்தியாவின் நிகிபூனாச்சா, தாய்லாந்தின் புருச்யா இசாரோ ஜோடி ஸ்பெயினின் பெட்ரோ மார்டினெஸ், ஜவும் முனார் ஜோடியுடன் மோதியது. ஒரு மணி நேரம் 51 நிமிடங்கள் நடைபெற்ற இந்த ஆட்த்தில் நிகி பூனாச்சா ஜோடி 6-7(3-7) 5-7 என்ற நேர் செட் கணக்கில் தோல்விஅடைந்தது.