ஓய்வு பெற்ற கிரிக்கெட் வீரர்கள் பங்கேற்கும் மாஸ்டர்ஸ் சாம்பியன்ஸ் லீக் டி 20 (எம்சிஎல்) தொடர் துபையில் ஜனவரி 28ம் தேதி தொடங்குகிறது.
இந்த தொடரில் லிப்ரா லெஜண்ட்ஸ், ஜெமினி அரபியன்ஸ், கேப்ரிகார்ன் கமாண்டர்ஸ், லியோ லயன்ஸ், விர்கோ சூப்பர் கிங்ஸ், ஷகிட்டாரியஸ் ஸ்டிரைக்கர்ஸ் ஆகிய 6 அணிகள் கலந்துகொள்கின்றன.
கங்குலி, சேவாக், காலிஸ், ஜெயவர்த்தனே, சங்கக்கரா, முரளிதரன், கில்கிறிஸ்ட், வெட்டோரி, பிரட் லீ, பிரையன் லாரா உள்ளிட்ட முன்னாள் வீரர்கள் பலர் பங்கேற்கின்றனர்.
ஐக்கிய அரபு அமீரக கிரிக்கெட் வாரியம் இந்த தொடருக்கு 10 ஆண்டுகள் அனுமதி வழங்கி உள்ளது. அமெரிக்காவில் நடைபெற்ற ஆல் ஸ்டார் கிரிக்கெட் தொடர் வெற்றி பெற்றதையடுத்து இந்த தொடருக்கும் ஐசிசி அனுமதி வழங்கியது.
இந்நிலையில் இந்த தொடருக்கான போட்டி அட்டவணை அறிவிக்கப்பட்டுள்ளது. முதல் போட்டியில் ஜனவரி 28ம் தேதி கங்குலியின் லிப்ரா லெஜண்ட்ஸ், சேவாக்கின் ஜெமினி அரேபியன்ஸ் அணிகள் மோதுகின்றன. மொத்தம் 18 போட்டிகளை கொண்ட தொடரின் அரையிறுதி ஆட்டங்கள் பிப்ரவரி 11 மற்றும் 12ம் தேதிகளில் நடைபெறுகிறது. இறுதிப்போட்டி பிப்ரவரி 13ம் தேதி துபையில் நடைபெறுகிறது. போட்டி விவரம்:
ஜனவரி 28: லிப்ரா லெஜண்ட்ஸ்-ஜெமினி அரேபியன்ஸ், ஜன.29: கேப்ரிகார்ன்-லியோ லயன்ஸ், விர்கோ சூப்பர் கிங்ஸ்-ஷகிட்டாரியஸ் ஸ்டிரைக்கர்ஸ், ஜன.30: ஜெமினி அரேபியன்ஸ்-லியோ லயன்ஸ், ஷகிட்டாரியஸ் ஸ்டிரைக்கர்ஸ்-கேப்ரிகார்ன், பிப்.3: லிப்ரா லெஜண்ட்ஸ்-விர்கோ சூப்பர் கிங்ஸ், ஜெமினி அரேபியன்ஸ்-கேப்ரிகார்ன், பிப்.4: லிப்ரா லெஜண்ட்ஸ்-ஷகிட்டாரியஸ் ஸ்டிரைக்கர்ஸ், லியோ லயன்ஸ்-விர்கோ சூப்பர் கிங்ஸ், பிப்.5: ஷகிட்டாரியஸ் ஸ்டிரைக்கர்ஸ்-ஜெமினி அரேபியன்ஸ், லிப்ரா லெஜண்ட்ஸ்- கேப்ரிகார்ன், பிப்.6: ஜெமினி அரேபியன்ஸ்-விர்கோ சூப்பர் கிங்ஸ், ஷகிட்டாரியஸ் ஸ்டிரைக்கர்ஸ்-லியோ லயன்ஸ், பிப்.7: விர்கோ சூப்பர் கிங்ஸ்-கேப்ரிகார்ன், லிப்ரா லெஜண்ட்ஸ்-லியோ லயன்ஸ். பிப்.11: முதல் அரையிறுதி, பிப்.12: 2வது அரையிறுதி. பிப்.13:இறுதிப்போட்டி.