ஐசிசி டெஸ்ட் தரவரிசை பட்டியலில் இந்தியாவின் ரவீந்திர ஜடேஜா ஆல்ரவுண்டர் பிரிவில் 5வது இடத்தை பிடித்துள்ளார்.
ஐசிசி டெஸ்ட் வீரர்களின் தரவரிசை பட்டியல் வெளியிடப்பட்டுள்ளது. இதில் இந்தியாவின் அஸ்வின் ஆல்ரவுண்டர்கள் தரவரிசையில் முதலிடத்தில் உள்ளார். ரவீந்திர ஜடேஜா 5வது இடத்தை பிடித்துள்ளார். பேட்ஸ்மேன்களில் முதல் 10 இடங்களுக்குள் இந்திய வீரர்கள் யாரும் இடம்பெறவில்லை.
பந்து வீச்சில் அஸ்வின் 2வது இடத்திலும், ஜடேஜா 8வது இடத்திலும் உள்ளனர். ஸ்டெயின் தொடர்ந்து முதலிடத்தை தக்கவைத்துக்கொண்டுள்ளார்.
பேட்ஸ்மேன்களில் நியூஸிலாந்தின் வில்லியம்சன் 2 இடங்கள் முன்னேறி 3வது இடத்தை பிடித்துள்ளார். முதலிடத்தில் இங்கிலாந்தின் ஜோரூட் நீடிக்கிறார்.
இலங்கையின் மேத்யூஸ் ஒரு இடம் பின்தங்கி 7வது இடத்தில் உள்ளார். ஆஸ்திரேலியாவின் ஸ்டீவ் ஸ்மித் 4வது இடத்தையும், வார்னர் 5வது இடத்தையும் பிடித்துள்ளனர். சமீபத்தில் இரட்டை சதம் அடித்த வோஜஸ் 19 இடங்கள் முன்னேறி 15வது இடத்திற்கு வந்துள்ளார். மேற்கிந்தியத்தீவுகளுக்கு எதிரான டெஸ்டில் சிறப்பாக செயல்பட்ட ஆஸி. வேகப்பந்து வீச்சாளர் ஹஸல்வுட் 4 இடங்கள் முன்னேறி 7வது இடத்தை பிடித்துள்ளார்.