ஐபிஎல் கிரிக்கெட் தொடர்: புனேவுக்கு பதிலடி கொடுக்குமா மும்பை அணி?

ஐபிஎல் கிரிக்கெட் தொடரில் மும்பையில் இன்று நடக்கவுள்ள லீக் ஆட்டத்தில் ரைசிங் புனே சூப்பர் ஜெயண்ட் அணியுடன் மும்பை அணி மோதுகிறது.

புள்ளிப்பட்டியலில் முதல் இடத்தில் உள்ள மும்பை அணி, இதுவரை ஐபிஎல் தொடரில் ஒரே போட்டியில்தான் தோற்றுள்ளது. அந்த தோல்வியை புனே அணிக்கு எதிராக அந்த அணி சந்தித்தது. எனவே அதற்கு பதிலடி கொடுக் கும் விதத்தில் மும்பை வீரர்கள் இப்போட்டியில் ஆடுவார்கள் என்பதில் சந்தேகமில்லை. பேட்டிங், பந்துவீச்சு ஆகிய இரண்டு துறைகளிலும் சிறந்து விளங்கும் அணியாக மும்பை விளங்குகிறது.

பேட்டிங்கை பொறுத்தவரை ராணா, பொலார்டு, பார்த்தீவ் படேல், பட்லர், ஹர்திக் பாண்டியா ஆகியோர் இந்த தொடரில் சிறந்து விளங்குகிறார்கள். இந்த பேட்டிங் வரிசைக்கு மேலும் வலுசேர்க்கும் வகையில் காயத்தால் கடந்த சில போட்டிகளில் ஆடாமல் இருந்த அம்பாட்டி ராயுடு இப்போட்டியில் களம் இறங்கக்கூடும். பந்துவீச்சைப் பொறுத்தவரை மெக்லீனஹன், ஜஸ்பிரித் பும்ரா, ஹர்பஜன் சிங் ஆகியோர் அந்த அணிக்கு கூடுதல் பலமாக விளங்குகிறார்கள். இப்படி 2 துறைகளிலும் சிறந்து விளங்கும் மும்பை அணி, இன்றைய போட்டியில் புனே அணிக்கு கடும் சவாலாக இருக்கக்கூடும்.

புனே அணியைப் பொறுத்த வரை சில போட்டிகளில் தோற்றபோதிலும், தங்கள் கடைசி ஆட்டத்தில் சன் ரைசர்ஸ் அணியை கடைசி பந்தில் வென்றது அந்த அணிக்கு புத்துணர்ச்சியை கொடுத்துள்ளது. மேலும் இப்போட்டியில் தோனி, தன் பழைய ஆட்டத்தை வெளிப்படுத்தி, பந்துகளை சிதறடித்தது அந்த அணியின் தன்னம்பிக்கையை கூட்டியுள்ளது.

தோனிக்கு துணையாக ஸ்மித், ரஹானே, மனோஜ் திவாரி ஆகியோர் ஆடினால் அந்த அணியால் கூடுதல் ரன்களைக் குவிக்க முடியும். அதே நேரத்தில் பந்துவீச்சில் பலவீனமாக உள்ள அந்த அணி, தென் ஆப்பிரிக்க வீரரான இம்ரான் தகிரையே பெரிதும் நம்பியுள்ளது.

அணிகள் விவரம்:

மும்பை இந்தி யன்ஸ்: ரோஹித் சர்மா, ஜாஸ் பட்லர், பார்த்தீவ் படேல், நிக் கோலஸ் பூரன், கிருஷ்ணப்பா கவுதம், அம்பாட்டி ராயுடு, சிம் மன்ஸ், குல்வத் ஹெஜ்ரோலியா, கரண் சர்மா, சவுரப் திவாரி, அசெலா குணரத்னே, மிட்செல் ஜான்சன், ஹர்பஜன் சிங், மிட்செல் மெக்லீனஹன், ஸ்ரேயஸ் கோபால், சித்தேஷ் லாடு, வினய் குமார், கெய்ரோன் பொலார்டு, கிருனல் பாண்டியா, டிம் சவுத்தி, மலிங்கா, ஜகதீஷா சுஜித், நித்திஷ் ரானா, ஹர்திக் பாண்டியா, ஜஸ்பிரித் பும்ரா, ஜித்தேஷ் சர்மா, தீபக் பூனியா.

புனே சூப்பர் ஜெயன்ட்ஸ்: ஸ்டீவ் ஸ்மித் (கேப்டன்), தோனி, டுபிளெஸ்ஸிஸ், ஆடம் ஸம்பா, உஸ்மான் கவாஜா, அஜிங்க்ய ரஹானே, அசோக் திண்டா, அங் குஷ் பெய்ன்ஸ், ரஜத் பாட்டியா, அங்கித் சர்மா, ஈஸ்வர் பாண்டே, ஜஸ்கரன் சிங், பாபா அபராஜித், தீபக் ஷகர், மயங்க் அகர்வால், பென் ஸ்டோக்ஸ், டேனியல் கிறிஸ் டியன், பெர்குசன், ஜெயதேவ் உனத்கட், ராகுல் ஷகர், சவுரப் குமார், மிலிந்த் தாண்டன், ராகுல் திரிபாதி, மனோஜ் திவாரி, ஷர்துல் தாக்குர், இம்ரன் தகிர்.