சாம்பியன்ஸ் டிராபிக்கு முன்னதாக ஐசிசி வெளியிட்டுள்ள ஒருநாள் கிரிக்கெட் பேட்டிங், பவுலிங் தரவரிசையில் முறையே தென் ஆப்பிரிக்காவின் டிவில்லியர்ஸ், ரபாடா ஆகியோர் முதலிடம் வகித்துள்ளனர்.
பேட்டிங் தரவரிசையில் டிவில்லியர்சும், பவுலிங் தரவரிசையில் ரபாடாவும் முதலிடம் வகிக்கின்றனர். ரபாடா 4 இடங்கள் முன்னேறி முதலிடம் பிடித்தார்.
பேட்டிங் தரவரிசையில் வார்னர் 2-ம் இடத்திலும் விராட் கோலி 3-ம் இடத்திலும் உள்ளனர். தென் ஆப்பிரிக்க பேட்ஸ்மென்கள் டுபிளேசிஸ், குவிண்டன் டி காக், ஆம்லா ஆகியோரும் டாப் 10-ல் உள்ளனர்.
இந்திய அணியை பொறுத்தவரை விராட் கோலி மட்டுமே டாப் 10ல் உள்ளார். ரோஹித் சர்மா 12-ம் இடத்திலும் தோனி 13-ம் இடத்திலும் ஷிகர் தவண் 15-ம் இடத்திலும் உள்ளனர்.
பவுலிங் தரவரிசையிலும் ரபாடாவுக்கு அடுத்தபடியாக தென் ஆப்பிரிக்க பவுலர் இம்ரான் தாஹிர் உள்ளார். ஸ்டார்க் 3-ம் இடத்தில் உள்ளார். டாப் 10 பவுலிங் தரவரிசையில் இந்திய பவுலர்கள் ஒருவரும் இல்லை.
வேடிக்கை என்னவெனில் 11-ம் இடத்தில் உள்ள அக்சர் படேல் சாம்பியன்ஸ் டிராபி அணியிலேயே இல்லை. அமித் மிஸ்ரா 13-ம் இடத்தில் உள்ளார்.
அஸ்வின் 18-ம் இடத்திலும் ஜடேஜா 26-ம் இடத்திலும் உள்ளனர்.
ஒருநாள் பேட்டிங் தரவரிசை டாப் 10:
டிவில்லியர்ஸ், டேவிட் வார்னர், விராட் கோலி, குவிண்டன் டிகாக், ஜோ ரூட், டுபிளெசிஸ், பாபர் ஆஸம், மார்டின் கப்தில், கேன் வில்லியம்சன், ஹஷிம் ஆம்லா
டாப் 10 பவுலர்கள்:
ரபாடா, இம்ரான் தாஹிர், மிட்செல் ஸ்டார்க், சுனில் நரைன், ஜோஷ் ஹேசில்வுட், டிரெண்ட் போல்ட், கிறிஸ் வோக்ஸ், மொகமது நபி, ஷாகிப் அல் ஹசன், மிட்செல் சாண்ட்னர்.