வங்கதேச கிரிக்கெட் அணி இலங்கையில் சுற்றுப்பயணம் செய்து விளையாடி வருகிறது. இரு அணிகள் இடையிலான முதல் டெஸ்ட் போட்டி காலே நகரில் நேற்று தொடங்கியது. டாஸ் வென்று பேட் செய்த வங்கதேச அணி 45 ரன்களை சேர்ப்பதற்குள் 3 விக்கெட்களை இழந்தது. அனாமுல் ஹக் 0, ஷத்மான் இஸ்லாம் 14, மொமினுல் ஹக் 29 ரன்களில் ஆட்டமிழந்தனர்.
3-வது விக்கெட்டுக்கு களமிறங்கிய முஸ்பிகுர் ரகிமுடன் இணைந்து கேப்டன் நஜ்முல் ஹொசைன் ஷான்டோ ஆட்டத்தை முன்னெடுத்துச் சென்றார். அபாரமாக விளையடிய நஜ்முல் ஹொசைன் ஷான்டோ 202 பந்துகளில், ஒரு சிக்ஸர், 11 பவுண்டரிகளுடன் 6-வது தனது சதத்தை விளாசினார். முஸ்பிகுர் ரகிம் 176 பந்துகளில், 5 பவுண்டரிகளுடன் சதம் அடித்தார். இது அவரது 12-வது சதமாக அமைந்தது.
நேற்றைய முதல் நாள் ஆட்டத்தின் முடிவில் வங்கதேச அணி 90 ஓவர்களில் 3 விக்கெட்கள் இழப்புக்கு 292 ரன்கள் குவித்தது. நஜ்முல் ஹொசைன் ஷான்டோ 136, முஸ்பிகுர் ரகிம் 105 ரன்கள் சேர்த்து ஆட்டமிழக்காமல் இருந்தனர். இந்த ஜோடி 4-வது விக்கெட்டுக்கு சுமார் 74 ஓவர்கள் களத்தில் நின்று 247 ரன்கள் குவித்துள்ளது. கைவசம் 7 விக்கெட்கள் இருக்க வங்கதேச அணி இன்று 2-வது நாள் ஆட்டத்தை தொடர்ந்து விளையாடுகிறது.