கமகம் இசை விருந்து!- பஞ்சரத்ன ராய்தா

என்னென்ன தேவை?

கெட்டித் தயிர் – ஒன்றரை கப்

கடலைப் பருப்பு, துவரம் பருப்பு, பாசிப் பருப்பு,

உளுந்து, காராமணி - தலா ஒரு டீஸ்பூன்

உப்பு - சுவைக்கேற்ப

தாளிக்க:

கடுகு – ஒரு டீஸ்பூன்

பெருங்காயம் – ஒரு சிட்டிகை

பச்சை மிளகாய், இஞ்சி (பொடியாக நறுக்கியது)

தலா அரை டீஸ்பூன்

கறிவேப்பிலை – ஒரு ஆர்க்கு

எப்படிச் செய்வது?

பருப்பு வகைகளை வெறும் வாணலியில் வறுத்து, ஆறியதும் மிக்ஸியில் பொடித்துத் தயிரில் கொட்டிக் கலக்குங்கள். எண்ணெயில் கடுகு, பெருங்காயம், பச்சை மிளகாய், இஞ்சி, பெருங்காயம், கறிவேப்பிலை தாளித்துக் கொட்டுங்கள். இந்த ராய்தா புரதச்சத்து நிறைந்தது.