மண்டேலா, குருதியாட்டம், ரத்தசாட்சி, கூலி உள்பட பல படங்களில் நடித்திருப்பவர் கண்ணா ரவி. இவர் நடித்துள்ள வெப் தொடர் ‘வேடுவன்’.
உணர்ச்சிப் பூர்வமான கதை சொல்லலையும், ஆழமான நடிப்பையும் இணைக்கும் டிராமாவாக உருவாகியுள்ள இந்த வெப் தொடர், ஜீ 5 தளத்தில் அக்.10-ல் வெளியாகிறது.
இது பற்றி கண்ணா ரவி கூறும்போது, “இது ஒரு மனிதனின் பயணம் பற்றிய கதை மட்டுமல்ல, அவன் எடுக்கும் முடிவுகள், அதன் விளைவுகள், சரி-தவறுக்கு இடையேயான மெல்லிய கோடு ஆகியவற்றை ஆராயும் பயணமும்கூட. நடிகராக இந்த கதாபாத்திரம் என்னை முழுமையாக வாழ வைத்தது” என்றார்.