மகிழ் திருமேனி இயக்கத்தில் அஜித் நடித்துள்ள ‘விடாமுயற்சி’ படம் மார்ச் 3-ம் தேதி நெட்ஃப்ளிக்ஸ் ஓடிடி தளத்தில் வெளியாகும் என அதிகாரபூர்வமாக அறிவிக்கப்பட்டுள்ளது.
இது குறித்து நெட்ப்ஃளிக்ஸ் வெளியிட்ட தகவலில், மார்ச் 3 முதல் தமிழ், இந்தி, தெலுங்கு, கன்னடம் மற்றும் மலையாளம் ஆகிய மொழிகளில் நெட்ஃப்ளிக்ஸ் தளத்தில் ‘விடாமுயற்சி’ காணக் கிடைக்கும் என்று தெரிவிக்கப்பட்டுள்ளது.
மகிழ் திருமேனி இயக்கத்தில் அஜித் நடித்து பிப்ரவரி 6-ல் திரையரங்குகளில் வெளியான ‘விடாமுயற்சி’ படம் இதுவரை உலக அளவில் கிட்டத்தட்ட ரூ.137 கோடி வசூலை எட்டியுள்ளது. லைகா நிறுவனம் தயாரிப்பில் வெளியாகியுள்ள இப்படத்தில் படத்தில் அஜித், அர்ஜுன், த்ரிஷா, ரெஜினா, ஆரவ் உள்ளிட்ட பலர் நடித்துள்ளனர். இப்படத்துக்கு அனிருத் இசையமைப்பாளராகவும், ஓம் பிரகாஷ் ஒளிப்பதிவாளராகவும் பணிபுரிந்துள்ளனர். விமர்சன ரீதியில் ‘ஆவரேஜ்’ எனக் குறிப்பிடப்படும் இந்தப் படம், அஜித் ரசிகர்களுக்கு ‘மாஸ்’ தன்மைகளைத் தாண்டிய புதுவிதமான திரை அனுபவம் தந்துள்ளது.
ஹாலிவுட்டின் ‘பிரேக் டவுன்’ படத்தின் கதையை தழுவி எடுக்கப்பட்ட ‘விடாமுயற்சி’ படத்துக்காக அஜித்தின் சம்பளம் ரூ.110 கோடியில் இருந்து ரூ.120 கோடி வரை இருக்கக் கூடும் எனக் கூறப்படும் நிலையில், இதன் ஒட்டுமொத்த பட்ஜெட் ரூ.200 கோடி எனத் தெரிகிறது. இந்நிலையில், இப்படம் 3-ம் தேதி நெட்ஃப்ளிக்ஸ் ஓடிடி தளத்தில் வெளியாகும் என அதிகாரபூர்வமாக அறிவிக்கப்பட்டுள்ளது.