ஸ்ரீநகர்: ஜம்மு-காஷ்மீரின் ஆளும் தேசிய மாநாட்டு கட்சியின் மூத்த தலைவர்களில் ஒருவர் ஆகா சையத் ரூஹுல்லா மெஹ்தி. கட்சியில் ஷியா பிரிவு முஸ்லிம்களின் முக்கிய முகமாக அறியப்படும் இவர், 2024 மக்களவை தேர்தலில் ஸ்ரீநகரில் போட்டியிட்டு வெற்றிபெற்றார்.
இந்நிலையில், அவர் தேசிய மாநாட்டு கட்சியில் இருந்து விலகுவதாகவும், எம்.பி. பதவியை ராஜினாமா செய்வதாகவும் அறிவித்துள்ளார். அவரது அறிவிப்பு ஸ்ரீநகரில் இடைத்தேர்தல் நடைபெறுவதற்கு் வழிவகுத்துள்ளது. அவர் தனது ராஜினாமா கடிதத்துடன், 4 பக்க அறிக்கையையும் கட்சி தலைமைக்கு அனுப்பியுள்ளார்.
அதில், “காஷ்மீருக்கு சிறப்பு அஸ்தஸ்து வழங்கும் 370 மற்றும் 35-ஏ சட்டப்பிரிவுகள் ரத்து செய்யப்பட்டது. இதற்கு எதிரான போராட்டத்துக்கு தேசிய மாநாட்டு கட்சி தலைமை தாங்கும் என்கிற நம்பிக்கையில் இருந்தேன். ஆனால், துரதிர்ஷ்டவசமாக அது நடக்கவில்லை. தேர்தலுக்குப் பிறகு கட்சி தனது நிலைப்பாட்டை மாற்றிக்கொண்டது. மக்களுக்கு செய்யப்பட்ட இந்த துரோகம் என்னை மிகவும் காயப்படுத்தியது” என குறிப்பிட்டுள்ளார். ரூஹுல்லாவின் இந்த திடீர் முடிவு முதல்வர் உமர் அப்துல்லா தலைமையிலான தேசிய மாநாட்டு கட்சி ஆட்சிக்கு் பின்னடைவாக அமைந்துள்ளது.