மும்பை: மும்பையில் நேற்று நடத்தப்பட்ட துப்பாக்கிச்சூட்டில் நடிகர் டைகர் ஷெராப் அதிர்ஷ்டவசமாக உயிர் தப்பினார்.
பிரபல பாலிவுட் நடிகர் ஜாக்கி ஷெராபின் மகன் டைகர் ஷெராப் (36). இவர் தற்போது பாலிவுட்டின் முன்னணி இளம் நடிகராக உள்ளார்.
மும்பையில் நேற்று மாலை நடைபெற்ற கால்பந்து விளையாட்டில் டைகர் பங்கேற்றார். அங்கிருந்து ஜுஹு பகுதியில் உள்ள வீட்டுக்கு அவர் காரில் திரும்பிக் கொண்டிருந்தார்.
அவரது ஓட்டுநர் காரை ஓட்டினார். புஷ்பா பூங்கா பகுதியில் கார் வந்தபோது மோட்டார் சைக்கிளில் வந்த 3 பேர், நடிகர் டைகர் ஷெராபை குறிவைத்து 5 ரவுண்டுகள் துப்பாக்கியால் சரமாரியாக சுட்டனர்.
இதில் கார் ஓட்டுநர் பலத்த காயமடைந்தார். காருக்கு அருகே ஆட்டோ சென்று கொண்டிருந்தது. அந்த ஆட்டோ ஓட்டுநரும் குண்டு காயம் அடைந்தார்.
இருவரும் மருத்துவமனையில் சேர்க்கப்பட்டனர். அதிர்ஷ்டவசமாக நடிகர் டைகர் ஷெராப் உயிர் தப்பினார். வடமாநிலங்களில் பிரபலமாக உள்ள லாரன்ஸ் பிஷ்னோய் ரவுடி கும்பல், இந்த துப்பாக்கிச்சூடு தாக்குதலுக்கு பொறுப்பேற்று உள்ளது.