இந்தியா

ரூ.15 கோடி லாபம் ஈட்டிய ஜவுளித் தொழிலை கைவிட்டு சமணத் துறவறம் ஏற்கும் ஒரே குடும்பத்தைச் சேர்ந்த 4 பேர்

செய்திப்பிரிவு

சூரத்: குஜராத்​தில் ஒரே குடும்​பத்​தைச் சேர்ந்த 4 பேர், சகல வசதிகளை​யும் கைவிட்டு சமணத் துறவறம் (தீட்சை) ஏற்க உள்ளனர். ராஜஸ்​தான் மாநிலம் உதய்​பூர் மாவட்​டத்​தில் உள்ள ஜஸ்​வந்த்​கர் கிராமத்​தைச் சேர்ந்​தவர் திலீப் பாய் போகர் (47). இவர் இளம் வயதில் பிழைப்​புக்​காக குஜராத் மாநிலம் சூரத் நகருக்​குக் குடிபெயர்ந்​தார்.

அங்கு சிறிய ஜவுளிக்​கடையுடன் தொழிலைத் தொடங்​கிய அவர், கடின உழைப்​பால் மூன்று கடைகள் மற்​றும் பல இயந்திரங்களுடன் ஆண்​டுக்கு சுமார் ரூ.15 கோடி வரு​வாய் ஈட்டும் அளவுக்​குத் தனது தொழிலை விரிவுபடுத்​தினார். சமணமதத் தலை​வர் (ஆச்​சா​ரியார்) ஒரு​வரை திலீப் பாய் சந்தித்தார். இது அவருக்கு சமண சமயத்​தின் மீதான ஆர்​வத்தை ஆழப்​படுத்​தி​யது. அவரது மனைவி, 3 மகள்​களும் இதில் ஆர்​வம் வளர்த்​தனர். கடந்த 2023-ம் ஆண்டு, திலீப் பாயின் மூத்த மகள் ஷைலி சமணத் துறவறம் ஏற்று ‘சாத்வி தர்​ஷிதா’ என்ற பெயரைப் பெற்​றார்.

மகளின் இந்த முடிவு குடும்​பத்​தினர் மனதிலும் தாக்​கத்தை ஏற்படுத்​தி​யது. திலீப் பாய் ஜவுளித் தொழிலை கைவிடத் தொடங்கினார். சமணத் துறவறம் ஏற்கவும் தயாரானார். அவருடன் இணைந்து அவரது மனைவி ஜோதி பென் (45) மற்​றும் இளைய மகள்​களான சவி (22), சார்வி (14) ஆகியோ​ரும் துறவறம் ஏற்க முடிவு செய்​தனர். இதற்​காக, கிராபிக் டிசைனில் பி.பி.ஏ. பட்டம் பெற்று கைவினைப் பொருள் தொழில் செய்து வந்த சவி தனது தொழிலைக் கைவிட்​டார். மாவட்ட அளவி​லான கால்​பந்து வீராங்​க​னையான சார்வி, 9-ம் வகுப்​புப் படிப்​பைப் பாதி​யிலேயே நிறுத்​தினார்.

தற்​போது இவர்​கள் 4 பேரும் சமணத் துறவி​களு​டன் இணைந்து தங்கி, கடுமையான துறவற வாழ்க்கை முறைகளுக்​குத் தங்​களைத் தயார்​படுத்தி வரு​கின்​றனர். காலணிகள் அணி​யாமல் வெறுங்​காலுடன் நடப்​பது, கடுமையான உணவுக் கட்டுப்பாடுகளைப் பின்​பற்​று​வது உள்​ளிட்ட பயிற்​சிகளில் ஈடுபட்டுள்​ளனர். அனைத்து நடைமுறைகளும் முடிந்த பிறகு, 2027-ம் ஆண்டு பிப்​ரவரி 8-ம் தேதி சூரத் நகரில் நடை​பெறும் விழாவில் இவர்​கள் 4 பேரும் முறைப்​படி சமணத் துறவறம் ஏற்க உள்​ளனர்.

Amazon.in: ஆன்லைன் ஷாப்பிங் - இலவச ஷிப்பிங் வசதி.

SCROLL FOR NEXT