வருங்கால வைப்பு நிதியில் (பி.எப்.) இணைந்துள்ள தொழிலாளர்களுக்கு குறைந்தபட்சம் ரூ.1000 ஓய்வூதியம் திட்டத்துக்கு மத்திய நிதியமைச்சகம் ஒப்புதல் வழங்கியுள்ளது. இதற்காக மத்திய அரசு ரூ.1,217 கோடி கூடுதல் மானியம் வழங்கும்.
மேலும் குறைந்தபட்ச ஓய்வூதிய திட்டத்துக்கான ஊதிய வரம்பை ரூ.6,500-ல் இருந்து ரூ.15,000 ஆக உயர்த்தவும் நிதியமைச்சகம் அனுமதி அளித்துள்ளது.
பி.எப். திட்டத்தில் தற்போது 44 லட்சம் ஓய்வூதியதாரர்கள் பயனடைந்து வருகின்றனர். இதில் 27 லட்சம் பேர் ரூ.1000-க்கும் குறைவான ஓய்வூதியம் பெறுவது குறிப்பிடத்தக்கது.