கால்நடை மருத்துவ படிப்புக்கான தரவரிசை வெளியீடு

சென்னை: ​கால்​நடை மருத்​துவ படிப்​புக்​கான தரவரிசை பட்​டியல் நேற்று வெளி​யிடப்​பட்​டது. இதற்​கான ஆன்​லைன் கலந்​தாய்வு தேதி விரை​வில் அறிவிக்​கப்​படும்.

தமிழகத்​தில் சென்​னை, நாமக்​கல் உள்பட 7 இடங்​களில் கால்​நடை மருத்​து​வக் கல்​லூரி​கள் உள்​ளன. இக்​கல்​லூரி​களில் இளநிலை கால்​நடை மருத்​துவ படிப்​பில் (பி​விஎஸ்​சி) 660 இடங்​கள் உள்​ளன. இவை தவிர பிடெக் (பால்​வளம்), பிடெக் (கோழி​யின தொழில்​நுட்​பம்), பிடெக் (உணவு தொழில்​நுட்​பம்) படிப்​பு​களும் தமிழ்​நாடு கால்​நடை மருத்​துவ பல்​கலைக்​கழக கல்​லூரி​களில் வழங்​கப்​படு​கின்​றன.

நடப்பு கல்வி ஆண்​டில் (2026-2027) பிவிஎஸ்​சி, பிடெக் படிப்​பு​களில் சேரு​வதற்​கான விண்​ணப்​பங்​கள் கடந்த மே 25 முதல் ஜூன் 17-ம் தேதி வரை ஆன்​லைனில் பெறப்​பட்​டன. இந்​நிலை​யில், பிவிஎஸ்​சி, பிடெக் படிப்​பு​களுக்கு விண்​ணப்​பித்த மாணவர்​களின் தரவரிசை பட்​டியலை​யும், ஒவ்​வொரு படிப்​பிலும் முதல் 5 இடங்​களைப் பிடித்த மாணவர்​களின் பட்​டியலை​யும் சென்னை தலை​மைச் செயல​கத்​தில் கால்​நடை பராமரிப்​புத்​துறை அமைச்​சர் எஸ்​.கமலி நேற்று வெளி​யிட்​டார்.

பிவிஎஸ்சி படிப்​புக்​கான தரவரிசை​யில் விழுப்​புரம் மாணவி ஆர்​.ஷாலினி முதலிடத்​தை​யும், கடலூர் மாணவி வி.​யாஷிகா 2-ம் இடத்​தை​யும், அதே மாவட்​டத்​தைச் சேர்ந்த மற்​றொரு மாணவி எம்​.மெர்​லின் 3-ம் இடத்​தை​யும், அரியலூர் மாணவர் கே.ஜனகன் 4-ம் இடத்​தை​யும், கடலூர் மாணவி டி.​திவ்யா வர்​ஷினி 5-ம் இடத்​தை​யும் பிடித்​தனர். 1-ம், 2-ம், 4-ம் இடங்​களைச் பிடித்​தவர்​கள் எம்​பிசி வகுப்​பை​யும், 3-ம், 5-ம் இடங்​களை பிடித்​தவர்​கள் ஆதி திரா​விடர் வகுப்​பையும் சேர்ந்​தவர்​கள். இவர்​கள் அனை​வரும் 200-க்கு 200 கட் ஆப் மதிப்​பெண் பெற்​றுள்​ளனர் என்​பது குறிப்​பிடத்​தக்​கது.

இந்​நிகழ்ச்​சி​யில் கால்​நடை பராமரிப்பு மற்​றும் மீன்​வளத்​துறை செயலர் அனு ஜார்​ஜ், தமிழ்​நாடு கால்​நடை மருத்​துவ பல்​கலைக்​கழக பொறுப்பு துணைவேந்​தரும், பதி​வாள​ரு​மான டாக்​டர் ஆர்​.நரேந்​திர பாபு, தேர்வு கட்​டுப்​பாட்டு அலு​வலர் டாக்​டர் எம்​.எஸ்​.கே. கார்த்​தி​கேயன் ஆகியோர் கலந்​து​கொண்​டனர்.

கலந்​தாய்வு எப்​போது? - மாணவர்​கள் தங்​கள் வரிசையை https://tanuvas.ac.in . என்ற இணை​யதளத்​தில் அறிந்​து​கொள்​ளலாம். தரவரிசை​யில் ஏதேனும் குறை​பாடு இருந்​தால் அதுதொடர்​பாக ஜூலை 31 முதல் ஆகஸ்ட் 2 வரை முறை​யிடலாம். 044-29997349 29997348 ஆகிய எண்​களில் தொடர்​பு​கொள்​ளலாம்.

அல்​லது admission@tanuvas.org.in என்ற மின்​னஞ்​சலுக்​கும் தகவல் தெரிவிக்​கலாம். ஆன்​லைன் கலந்​தாய்வு தேதி விவரம் விரை​வில் அறிவிக்​கப்​படும் என கால்​நடை மருத்​து​வ பல்​கலைக்​கழகம்​ தெரிவித்​துள்​ளது.