சென்னை: நாடு முழுவதும் மத்திய பல்கலைக்கழகங்கள் மற்றும் அதன்கீழ் இயங்கும் கல்லூரிகளில் இளநிலை, முதுநிலை பட்டப்படிப்புகளில் சேர க்யூட் தேர்வில் தேர்ச்சி பெற வேண்டும். இதன்படி அடுத்த கல்வியாண்டில் (2026-27) முதுநிலை படிப்புகளுக்கான க்யூட் தேர்வு கணினி வழியில் வரும் மார்ச் மாதம் நடத்தப்பட உள்ளது. இதற்கான இணையதள விண்ணப்பப் பதிவு தற்போது தொடங்கப்பட்டுள்ளது.
இதையடுத்து விருப்பமுள்ள பட்டதாரிகள் https://exams.nta.ac.in/CUET-PG/ வழியாக ஜன.14 வரை விண்ணப்பிக்கலாம். விண்ணப்பங்களில் திருத்தம் செய்ய ஜன. 18 முதல் 20-ம் தேதி வரை அவகாசம் வழங்கப்படும்.