நண்பருடன் செல்போனில் தொடர்ந்து பேச்சு: மாங்காடு அருகே மனைவியை கொலை செய்த கணவர் கைது

பூந்​தமல்லி: ஆண் நண்​பருடன் செல்​போனில் தொடர்ந்து பேசிய மனை​வியை கொலை செய்த கணவனை போலீ​ஸார் கைது செய்​தனர்.

காஞ்​சிபுரம் மாவட்​டம், மாங்காடு அருகே உள்ள பட்​டூர் பகு​தி​யைச் சேர்ந்​தவர் முஜைதீன்​(30). இறைச்​சிக் கடை ஊழிய​ரான இவருக்கு சோபி​யா (26) என்​பவருடன் 8 ஆண்​டு​களுக்கு முன்பு திரு​மண​மாகி 7 வயதில் ஒரு மகன் உள்​ளார்.

இந்​நிலை​யில் கடந்த சில தினங்​களாக சோபியா ஆண் நண்​பர் ஒரு​வருடன் நீண்ட நேர​மாக செல்​போனில் பேசி வந்​த​தாக கூறப்​படு​கிறது. இதுகுறித்து சோபி​யாவை முஜைதீன் கண்​டித்​துள்​ளார்.

அதனை பொருட்​படுத்​தாமல் சோபியா தொடர்ந்து பேசி வந்​த​தால், கணவன், மனை​விக்கு இடையே தகராறு ஏற்​பட்டு வந்​துள்​ள​தாக கூறப்​படு​கிறது.

இச்​சூழலில், வழக்​கம் ​போல் நேற்று முன்​தினம் இரவு சோபியா ஆண் நண்​பருடன் செல்​போனில் பேசி​ய​தால், கோபத்​தில், முஜைதீன் வீட்​டிலிருந்த இறைச்சி வெட்​டும் கத்​தி​யால் மனை​வியை வெட்​டி கொலை செய்துவிட்டு தப்​பியோடி​யுள்​ளார்.

இதுகுறித்து தகவல் அறிந்த, மாங்​காடு போலீ​ஸார் சோபி​யா​வின் உடலைக் கைப்​பற்​றி, பிரேதப் பரிசோதனைக்​காக அரசு மருத்​து​வ​மனைக்கு அனுப்பி வைத்​தனர். தொடர்ந்து வழக்​குப் பதிவுசெய்​து, நேற்று அதி​காலை மாங்​காடு பகு​தி​யில் தலைமறை​வாக இருந்த முஜைதீனை கைது செய்தனர்.