மிஷ்கின், கீர்த்தி சுரேஷ் முதன்மை பாத்திரங்களில் நடித்துள்ள படம், ‘சத்தியவான் சாவித்திரி’. பிரவீன் எஸ்.விஜய் இயக்கியுள்ள இப்படத்தில் கீர்த்தி சுரேஷ், மிஷ்கின் இருவரும் வழக்கறிஞர்களாக நடித்துள்ளனர்.
டிரம்ஸ்டிக் புரொடக் ஷன்ஸ் சார்பில் வெடிக்காரன்பட்டி சக்திவேல், ஜீ ஸ்டூடியோஸ் தயாரித்துள்ளனர். இந்தப் படம் ஜூலை 24-ம் தேதி வெளியாகும் என அறிவிக்கப்பட்டு இருந்தது. தவிர்க்க முடியாத காரணங்களால் படம் வெளியாவதில் தாமதம் ஏற்பட்டது. இப்போது நவ.20-ல் திரையரங்குகளில் வெளியாக உள்ளதாகப் படக்குழு அதிகாரப்பூர்வமாக அறிவித்துள்ளது.