இணையத் திரைப்பட தரவுத்தளமான ஐஎம்டிபி (IMDB), ஒவ்வொரு வருடமும் அந்தந்த வருடங்களில் பிரபலமான நட்சத்திரங்கள், இயக்குநர்களின் பட்டியலை வெளியிட்டு வருகிறது.
ஐஎம்டிபி இணையதள பக்கத்தில் தேடப்பட்ட திரைப் பிரபலங்களின் பெயர்கள் அடிப்படையில் இப்பட்டியல் வெளியிடப்படுகிறது. 2025-ம் ஆண்டுக்கான பட்டியல் இப்போது வெளியாகி இருக்கிறது. இதில் முன்னணி நட்சத்திரங்களான ரஜினிகாந்த், அமீர்கான், தீபிகா படுகோன் ஆகியோரை பின்னுக்குத் தள்ளி, 2 புது முகங்கள் முதலிடம் பிடித்துள்ளனர்.
இந்தியில் வெளியாகி வெற்றி பெற்ற ‘சயாரா’ படத்தில் நடித்த அஹான் பாண்டே, அதில் நாயகியாக நடித்த அனீத் பட்டா ஆகியோர் முதல் இரண்டு இடங்களைப் பிடித்துள்ளனர். மோஹித் சூரி இயக்கிய இப்படம் உலக அளவில் ரூ.580 கோடி வசூலித்துள்ளது.
அஹான், அனித் ஆகியோருக்குப் பிறகு அடுத்தடுத்த இடங்களில் ஆமிர்கான், இஷான் கட்டார், லக் ஷயா, ராஷ்மிகா மந்தனா, ‘லோகா சாப்டர் 2-சந்தியா’ படத்தில் நடித்த கல்யாணி பிரியதர்ஷன், திரிப்தி திம்ரி, ‘காந்தாரா’வில் நடித்த ருக்மணி வசந்த், ரிஷப் ஷெட்டி ஆகியோர் உள்ளனர்.