பிரபுதேவா நடித்துள்ள நகைச்சுவை திரைப்படம், ‘மூன் வாக்’. இதில் யோகிபாபு, ரெடின் கிங்ஸ்லி, ராஜேந்திரன், லொள்ளு சபா சுவாமிநாதன் உள்பட பலர் நடித்துள்ளனர்.
மனோஜ் நிர்மலா தரன் இயக்கியுள்ள இப்படத்துக்கு ஏ.ஆர்.ரஹ்மான் இசை அமைத்துள்ளார். பிஹைண்ட்வுட்ஸ் புரொடக் ஷன்ஸ் தயாரித்துள்ள இதன் பாடல் வெளியீட்டு விழாவும் ஏ.ஆர்.ரஹ்மானின் பிறந்தநாள் விழாவும் சென்னையில் உள்ள தனியார் கல்லூரி ஒன்றில் நடைபெற்றது.
விழாவில் இப்படத்தின் அனைத்துப் பாடல்களையும் ஏ.ஆர்.ரஹ்மான் பாடினார். பிரபலமான ‘முக்காலா’ பாடலுக்கு ஏ.ஆர்.ரஹ்மானுடன் நடனமாடினார் பிரபுதேவா.
பின்னர் ரஹ்மானின் பிறந்தநாளை முன்னிட்டு, பிரம்மாண்ட கேக் வெட்டி கொண்டாடினர். இந்நிகழ்ச்சியில் பேசிய யோகிபாபு, தான் 16 கெட்டப்புகளில் நடித்துள்ளதாகத் தெரிவித்தார்.