அறிமுக இயக்குநர் ஜோயல் விஜய் இயக்கியுள்ள திரைப்படம் ‘கூடு’. இதில் விஜே கதிரவன், ஜெயப்பிரகாஷ், விவேக் பிரசன்னா, தேவிகா சதீஷ், ரக் ஷிதா மகாலட்சுமி, நமோ நாராயணன் உள்ளிட்ட பலர் நடித்துள்ளனர். மனோஜ் கிருஷ்ணா இசையமைத்துள்ளார். ஸ்கைமூன் என்டர்டெயின்மென்ட் மற்றும் கல்ட் டிஜிட்டல் நிறுவனங்களுடன் இணைந்து பனோரமா ஸ்டூடியோஸ் இப்படத்தைத் தயாரித்துள்ளது.
“தமிழ்நாட்டின் ஒரு கிராமத்தில் நிகழ்ந்த உணர்வுப்பூர்வமான சம்பவத்தை மையமாகக் கொண்டது இப்படம். அரிய வகைப் பறவை ஒன்று மின்மாற்றிக்குள் தனது முட்டைகளை இட்டுக் கூடுகட்டுகிறது. அந்தக் கூட்டையும் அதிலுள்ள உயிர்களையும் பாதுகாக்க வேண்டிய சூழலில், கிராம மக்கள் தொடர்ந்து 35 நாட்களுக்கு மின்சாரத்தைப் பயன்படுத்தாமல் இருக்க முன் வருகின்றனர். ஒற்றுமையின் மகத்துவத்தையும் கூட்டாக வெளிப்படும் மனிதநேயத்தின் வலிமையையும் எடுத்துரைக்கும் படம் இது. விரைவில் வெளிவர இருக்கிறது” என்று படக்குழு தெரிவித்துள்ளது.