அறிமுக இயக்குநர் வி.ஜே. மீனாட்சி சுந்தரம் கதை, திரைக்கதை எழுதி இயக்கியுள்ள படம், ‘சிட்டுக்குறிஞ்சி’.
காதல், நகைச்சுவை, ஃபேன்டஸி படமான இதில் ரஜித் மேனன் கதாநாயகனாக நடித்துள்ளார். அவருடன் தீப்ஷிகா, நக் ஷா சரண், வி.ஜே.பப்பு, ஜி.எம்.குமார், எல்.வி.ஆதவன், ராம்ஸ், ஹலோ கந்தசாமி, தேனி முருகன், சுஜாதா உள்ளிட்ட பலர் முக்கிய கதாபாத்திரங்களில் நடித்துள்ளனர். பிளாக் அண்ட் ஒயிட் மீடியா சொல்யூஷன்ஸ் சார்பில் டி.ஜூட் ஆனந்த் தயாரிக்கிறார்.
1983-ம் ஆண்டில் நடப்பது போன்ற கதையை கொண்ட இதன் படத்துக்காக, கொடைக்கானல் பள்ளங்கி மலைப்பகுதியில் பல ஏக்கர் பரப்பளவில் மிகப்பெரிய கிராமம் செட் அமைத்து படமாக்கியுள்ளனர். அறிமுக இசையமைப்பாளர் மாறா இசையமைத்துள்ளார். பிரான்சிஸ் ராஜ்குமார் ஏ.ஒளிப்பதிவு செய்துள்ளார்.
“வித்தியாசமான கதைக்களம், பிரம்மாண்டமான காட்சியமைப்பு மற்றும் காதல், நகைச்சுவை, ஃபேன்டஸி கலந்த படமான இது, ரசிகர்களைக் கவரும். படத்தின் பின்னணி இசை ஹங்கேரி நாட்டின் புடாபெஸ்ட் நகரில் சர்வதேச இசைக் கலைஞர்கள் பங்களிப்புடன் லைவ் ஆர்கெஸ்ட்ரா மூலம் பதிவு செய்யப்பட்டுள்ளது. இப்போது டப்பிங் பணிகள் தொடங்கி உள்ளன” என்று படக்குழுவினர் தெரிவித்துள்ளனர்.