தனுஷ் - மம்முட்டி நடிப்பில் உருவாகி இருக்கும் ‘ஓம்: சாப்டர் 1’ படத்தை பினு ஜார்ஜ் அலெக்சாண்டர் கேரளத்தில் விநியோகிக்க இருக்கிறார்.
இந்தத் தகவலை ஒண்டர்பார் பிலிம்ஸ் அதன் எக்ஸ் தள பக்கத்தில் பகிர்ந்துள்ளது. அதில், ‘கடவுளின் தேசம்தான் ‘ஓம்’-ன் அடுத்த இலக்கு. ஓம் படத்தின் கேரள விநியோக உரிமையை பினு ஜார்ஜ் அலெக்சாண்டர் பெற்றுள்ளார். படம் நவம்பர் 20 அன்று வெளியாகிறது’ என்று தெரிவித்துள்ளது.
‘ஓம்: சாப்டர் 1’ படத்தில் முக்கியமான கதாபாத்திரத்தில் மம்முட்டி நடித்திருப்பது கேரளா விநியோகஸ்த்துக்கான முக்கிய விஷயமாக பார்க்கப்படுகிறது.
மம்முட்டி கடந்த 2000-ஆம் ஆண்டு வெளியான ‘பேரன்பு’ படத்துக்கு பின்பு இந்தப் படத்தின் மூலம் தமிழுக்கு மீண்டும் வருகிறார். இவர்களுடன் சாய் பல்லவி, இந்திரன்ஸ், ஸ்ரீலீலா உள்ளிட்டோர் இருப்பது முக்கியமாக கருதப்படுகிறது.
ஒண்டர்பார் பிலிம்ஸ் மற்றும் ஆர் டேக் ஸ்டூடியோஸ் இணைந்து தயாரித்திருக்கும் தனுஷின் 55-வது படம் ‘ஓம்: சாப்டர் 1’. இந்தப் படத்தை ராஜ்குமார் பெரியசாமி இயக்கி இருக்கிறார். எழிலரசு ஒளிப்பதிவு செய்திருக்கிறார். படத்துக்கு சாய் அபயங்கர் இசையமைத்துள்ளார். படம் நவம்பர் 20 அன்று வெளியாக இருக்கிறது.