அர்ஜுன் தாஸ் நாயகனாக நடிக்கும் புதிய படத்தின் படப்பிடிப்பு படப்பூஜையுடன் தொடங்கப்பட்டுள்ளது.
பவர் ஹவுஸ் நிறுவனம் தங்களுடைய தயாரிப்பில் முதல் படத்தின் படப்பிடிப்பினை படப்பூஜையுடன் தொடங்கி இருக்கிறது. இதனை அறிமுக இயக்குநர் ஹரிஷ் துரைராஜ் இயக்கி வருகிறார். இதில் அர்ஜுன் தாஸ், அன்னா பென், யோகி பாபு, உள்ளிட்ட பலர் நடிக்கவுள்ளனர். அனைவரும் ரசிக்கும் வகையில் ஃபேமிலி எண்டர்டெயினர் படமாக இப்படம் உருவாகி இருக்கிறது.
இப்படத்தில் வடிவுக்கரசி முக்கியமான கதாபாத்திரத்தில் நடிக்கவுள்ளார். இக்கதையின்படி அர்ஜுன் தாஸ், அன்னா பென், யோகி பாபு மற்றும் வடிவுக்கரசி இவர்களுடைய கதாபாத்திரத்தை சுற்றியே கதை நகரும். இதன் படப்பிடிப்பு சென்னை, மங்களூரு, மும்பை ஆகிய பகுதிகளில் ஒரே கட்டமாக நடத்தி முடிக்க படக்குழு திட்டமிட்டு இருக்கிறது.
இதற்கு இசையமைப்பாளராக ஷான் ரோல்டன், ஒளிப்பதிவாளராக அரவிந்த் விஸ்வநாதன் ஆகியோர் பணிபுரிந்து வருகிறார்கள்.