தரணீதரன் - சிரிஷ் இணையும் ராஜா ரங்குஸ்கி

தரணீதரன் இயக்கத்தில் சிரிஷ் நாயகனாக நடிக்கும் படத்துக்கு 'ராஜா ரங்குஸ்கி' என தலைப்பிட்டுள்ளார்கள்.

ஆனந்த கிருஷ்ணன் இயக்கத்தில் உருவான 'மெட்ரோ' படத்தின் மூலமாக நாயகனாக அறிமுகமானவர் சிரிஷ். தனது அடுத்த படத்துக்காக பல்வேறு இயக்குநர்களிடம் கதை கேட்டு வந்தார்.

அதில் இயக்குநர் தரணீதரன் கூறிய கதை மிகவும் பிடித்துவிடவே, அப்படத்தின் பணிகள் துவங்கப்பட்டது. 'பர்மா' மற்றும் 'ஜாக்சன் துரை' உள்ளிட்ட படங்களை இயக்கியவர் தரணீதரன் என்பது நினைவுக் கூரத்தக்கது.

நாயகியாக பூஜா தேவரியா, இசையமைப்பாளராக யுவன் ஆகியோர் ஒப்பந்தம் செய்யப்பட்டுள்ளார்கள். இப்படத்தின் படப்பிடிப்பு ஜனவரி 2-ம் தேதி முதல் தொடங்கவுள்ளது.

இப்படத்தை பர்மா டாக்கீஸ் மற்றும் வாசன் தயாரிப்பு நிறுவனம் இருவரும் இணைந்து தயாரிக்க இருக்கிறார்கள். ஒரே கட்டமாக மொத்த படப்பிடிப்பையும் முடிக்க படக்குழு திட்டமிட்டுள்ளது.