ரூபாய் நோட்டு தட்டுப்பாட்டால், விஜய் ஆண்டனியின் 'சைத்தான்' திரைப்படம் தங்களுடைய வெளியீட்டை ஒத்திவைத்துள்ளது.
விஜய் ஆண்டனி, அருந்ததி நாயர், ஒய்.ஜி.மகேந்திரன் உள்ளிட்ட பலர் நடிப்பில் உருவாகி இருக்கும் படம் 'சைத்தான்'. பிரதீப் ஒளிப்பதிவு செய்திருக்கும் இப்படத்துக்கு விஜய் ஆண்டனி இசையமைத்திருக்கிறார். பாத்திமா விஜய் ஆண்டனி தயாரித்திருக்கிறார்.
இப்படத்தின் தமிழக உரிமையை ஆரோ சினிமாஸ் கைப்பற்றி இருக்கிறது. படப்பிடிப்பு பணிகள் முடிந்து இறுதிகட்ட பணிகள் நடைபெற்று வந்தது. இறுதிகட்ட பணிகள் தாமதத்தால், தீபாவளி வெளியீட்டில் இருந்து பின்வாங்கியது.
தணிக்கையில் 'யு/ஏ' சான்றிதழ் கிடைத்தவுடன், நவம்பர் 17ம் தேதி வெளியாகும் என படக்குழு அதிகாரபூர்வமாக அறிவித்திருக்கிறது.
தற்போது ரூபாய் நோட்டுகள் தட்டுப்பாடு நிலவுவதால், 'சைத்தான்' திரைப்படம் தங்களுடைய வெளியீட்டை நவம்பர் 17ம் தேதியில் இருந்து ஒத்திவைத்துள்ளது. புதிய வெளியீட்டு தேதி விரைவில் அறிவிக்கப்படும் என தெரிவித்திருக்கிறார்கள்.