ரஞ்சித் இயக்கத்தில் ரஜினி நடித்திருக்கும் 'கபாலி' திரைப்படம் ஜூலை 1ம் தேதி வெளியாவது உறுதியாகியுள்ளது.
ரஞ்சித் இயக்கத்தில் ரஜினி, ராதிகா ஆப்தே, கலையரசன், தன்ஷிகா உள்ளிட்ட பலர் நடிப்பில் உருவாகி இருக்கும் படம் 'கபாலி'. தாணு தயாரித்திருக்கும் இப்படத்துக்கு சந்தோஷ் நாராயணன் இசையமைத்து வருகிறார்.
சமீபத்தில் இணையத்தில் வெளியிடப்பட்ட 'கபாலி' டீஸருக்கு பெரும் வரவேற்பு கிடைத்தது மட்டுமன்றி பல்வேறு சாதனைகளையும் நிகழ்த்தி இருக்கிறது.
'கபாலி' டீஸர் வெளியீட்டைத் தொடர்ந்து படத்தின் வெளியீட்டு தேதி குறித்த பேச்சுவார்த்தை தொடங்கியது. தற்போது இப்படம் ஜூலை 1ம் தேதி வெளியிடுவதை உறுதி செய்திருக்கிறார் தயாரிப்பாளர் தாணு.
மே இறுதி அல்லது ஜூன் முதல் வாரத்தில் 'கபாலி' படத்தின் இசையை வெளியிட இருக்கிறார்கள்.
இந்தியளவில் 'கபாலி' டீஸர் சாதனை
ஷாருக்கான், சல்மான்கான் உள்ளிட்ட முன்னணி நடிகர்கள் படங்களின் டீஸரை 'கபாலி' டீஸர் முறியடித்திருக்கிறது. இந்திய அளவில் ஒரு படத்தின் டீஸரைப் பார்த்தவர்களின் எண்ணிக்கையில் முதல் இடத்தை பிடித்திருக்கிறது 'கபாலி'.