பாண்டிராஜ் இயக்கத்தில் சிம்பு நடித்திருக்கும் 'இது நம்ம ஆளு' படத்திற்கு சென்சாரில் 'யு' சான்றிதழ் கிடைத்திருக்கிறது.
பாண்டிராஜ் இயக்கத்தில் சிம்பு, நயன்தாரா, ஆண்ட்ரியா, சூரி உள்ளிட்ட பலர் நடிக்க உருவாகி இருக்கும் படம் 'இது நம்ம ஆளு'. குறளரசன் இசையில் வரும் இப்படத்தை டி.ராஜேந்தர் வழங்க, முதல் பிரதி அடிப்படையில் தயாரித்திருக்கிறார் இயக்குநர் பாண்டிராஜ். இப்படத்தின் வெளியீட்டு உரிமையை ஸ்ரீதேனாண்டாள் பிலிம்ஸ் நிறுவனம் கைப்பற்றி இருக்கிறது.
நீண்ட நாட்களாக இப்படம் தயாரிப்பில் இருந்து வருகிறது. சமீபத்தில் இப்படத்தின் இறுதிப்பாடல் காட்சி சென்னையில் படமாக்கப்பட்டது. சிம்பு - ஆதா ஷர்மா நடனமாட அப்பாடல் படமாக்கப்பட்டது.
அனைத்து பணிகளையும் முடித்து படத்தை சென்சார் அதிகாரிகளுக்கு திரையிட்டுக் காட்டினார்கள். படத்திற்கு 'யு' சான்றிதழ் கிடைத்தது. சென்சார் பணிகள் முடிவடைந்ததைத் தொடர்ந்து படத்தை மே 6ம் தேதி வெளியிடும் முனைப்பில் படக்குழு தீவிரம் காட்டி வருகிறது.