தனுஷ் தயாரிக்கும் ரீமேக் படத்தில் அமலா பால் - ரேவதி

'நில் பேட்டே சனாட்டா' இந்தி படத்தின் தமிழ் ரீமேக்கை இயக்குநர் ஆனந்த் எல்.ராய் உடன் இணைந்து தயாரிக்க திட்டமிட்டு இருக்கிறார் தனுஷ்.

இந்தியில் 'நில் பேட்டே சனாட்டா' என்ற படத்தை இயக்கியவர் அஸ்வினி ஐயர். அம்மா - மகள் இருவருக்கும் இடையே நடைபெறும் பாசப் போராட்டத்தை கதைக்களமாக கொண்ட படமாகும்.

சீனாவில் நடைபெற்ற சில்க் ரோடு திரைப்பட விழாவில் இப்படத்தில் நடித்த சுவாரா பாஸ்கருக்கு சிறந்த நடிகை விருது கிடைத்தது. விமர்சகர்கள் மத்தியில் இப்படத்துக்கு பெரும் பாராட்டு கிடைத்தது.

தற்போது 'நில் பேட்டே சனாட்டா' படத்தின் தமிழ் ரீமேக்கை கைப்பற்றி இருக்கிறார் தனுஷ். இப்படத்தை தனுஷ் மற்றும் இயக்குநர் ஆனந்த் எல்.ராய் இருவரும் இணைந்து தயாரிக்க இருக்கிறார். அமலா பால் மற்றும் ரேவதி இருவரும் தமிழ் ரீமேக்கில் நடிக்க ஒப்பந்தமாகி இருக்கிறார்கள்.

2016ம் ஆண்டு தொடக்கத்தில் இப்படத்தின் படப்பிடிப்பு தொடங்க படக்குழு திட்டமிட்டு இருக்கிறது. அஸ்வின் ஐயரே தமிழ் ரீமேக்கையும் இயக்குவார் என தெரிகிறது.