செப்டம்பரில் துவங்குகிறது விஷால் - முத்தையா படம்

'கொம்பன்' இயக்குநர் முத்தையா இயக்கவிருக்கும் அடுத்த படத்தில் விஷால் நாயகனாக நடிக்க இருக்கிறார். செப்டம்பரில் படப்பிடிப்பு துவங்குகிறது.

சுசீந்திரன் இயக்கத்தில் விஷால் நடித்து வந்த 'பாயும் புலி' படத்தின் படப்பிடிப்பு முடிவுற்றது. அதனைத் தொடர்ந்து ஜூலை 5ம் தேதி முதல் பாண்டிராஜ் இயக்கத்தில் நடித்து வருகிறார் விஷால். முதல் நாள் படப்பிடிப்பில் விஷால், கேத்ரீன் தெரஸா சம்பந்தப்பட்ட காட்சிகளை படமாக்கினார் பாண்டிராஜ்.

பாண்டிராஜ் படத்தைத் தொடர்ந்து, 'கொம்பன்' இயக்குநர் முத்தையா இயக்கவிருக்கும் படத்தில் நடிக்க ஒப்பந்தமாகி இருக்கிறார் விஷால். இப்படத்தை மதுரை அன்பு தயாரிக்க இருக்கிறார். செம்படம்பர் மாதம் துவங்க இருக்கும் இப்படத்திற்கு ஜி.வி.பிரகாஷ் இசையமைக்க இருக்கிறார்.

லிங்குசாமி இயக்கத்தில் விஷால் நடிக்கவிருக்கும் 'சண்டக்கோழி 2' படத்தின் படப்பிடிப்பு எப்போது, யார் எல்லாம் நடிக்க இருக்கிறார்கள் என்பது பற்றியான அறிவிப்பும் விரைவில் வெளியாக இருக்கிறது.