அதர்வா - நயன்தாரா இணையும் இமைக்கா நொடிகள்

அஜய் ஞானமுத்து இயக்கத்தில் அதர்வா நடிக்கவிருக்கும் 'இமைக்கா நொடிகள்' படத்துக்கு நயன்தாரா நாயகியாக ஒப்பந்தம் செய்யப்பட்டு இருக்கிறார்.

அருள்நிதி நடித்த 'டிமான்ட்டி காலனி' படத்தின் மூலம் இயக்குநராக அறிமுகமானவர் அஜய் ஞானமுத்து. மோகனா மூவிஸ் தயாரித்த இப்படத்தை தேனாண்டாள் பிலிம்ஸ் வெளியிட்டது. வசூல் ரீதியாகவும், விமர்சன ரீதியாகவும் பெரும் வரவேற்பு பெற்றது.

அப்படத்தைத் தொடர்ந்து கேமியோ பிலிம்ஸ் நிறுவனம் தயாரிக்கும் படத்தை இயக்க ஒப்பந்தமானார் அஜய் ஞானமுத்து. அதர்வா நாயகனாக ஒப்பந்தம் செய்யப்பட்டார்.

இப்படத்தின் இதர படக்குழுவினரை தயாரிப்பு நிறுவனம் வெளியிட்டு இருக்கிறது. முக்கிய கதாபாத்திரத்தில் நயன்தாரா, ஒளிப்பதிவாளராக ஆர்.டி.ராஜசேகர், கலை இயக்குநராக செல்வகுமார், வசனகர்த்தாவாக பட்டுக்கோட்டை பிரபாகர் ஒப்பந்தம் செய்யப்பட்டு இருக்கிறார்கள்.

அதர்வாவுக்கு நாயகியாக வேறு ஒருவரை ஒப்பந்தம் செய்ய இருக்கிறது படக்குழு. மேலும், இதுவரை நயன்தாரா நடித்த கதாபாத்திரங்களில் இருந்து முற்றிலும் மாறுபட்டு இப்படம் இருக்கும் என்று படக்குழு சார்பில் தெரிவித்த்தார்கள்.