விக்ரம், பார்வதி, மாளவிகா மோகனன், டேனியல் கால்டகிரோன், பசுபதி உள்ளிட்ட பலர் நடித்துள்ள படம் ‘தங்கலான்’. பா.ரஞ்சித் இயக்கிய இந்தப் படத்தை ஸ்டூடியோ கிரீன் தயாரித்துள்ளது. ஜி.வி.பிரகாஷ்குமார் இசை அமைத்த இந்தப் படம் தமிழ், தெலுங்கில் கடந்த 15-ம் தேதி வெளியானது. வரும் 30-ம் தேதி இந்தியில் வெளியாக இருக்கிறது. கோலார் தங்க வயல் பின்னணியில் உருவான இந்தப்படம், இப்போது உலக அளவில் ரூ.100 கோடி வசூலை நெருங்குவதாக படக்குழு தெரிவித்துள்ளது.