விஜய் தேவரகொண்டாவின் ‘ரெளடி ஜனார்தனா’ ஃபர்ஸ்ட் லுக் வெளியீடு

விஜய் தேவரகொண்டா நடிப்பில் உருவாகும் படத்துக்கு ‘ரெளடி ஜனார்தனா’ எனப் பெயரிட்டு ஃபர்ஸ்ட் லுக் வெளியிடப்பட்டுள்ளது.

ரவி கிரண் கோலா இயக்கத்தில் விஜய் தேவரகொண்டா புதிய படமொன்றில் நடித்து வந்தார். இதற்கு பெயரிடப்படாமல் மும்முரமாக படப்பிடிப்பு நடைபெற்று வந்தது. தற்போது இப்படத்துக்கு ‘ரெளடி ஜனார்தனா’ எனப் பெயரிடப்பட்டு இதன் டீஸரும் வெளியிடப்பட்டுள்ளது. இதற்கு இணையத்தில் பெரும் வரவேற்பு கிடைத்திருக்கிறது.

தில் ராஜு தயாரிப்பில் உருவாகி வரும் இப்படத்தினை ரவி கிரண் கோலா இயக்கி வருகிறார்கள். இதற்கு முன்பாக ‘ராஜா வாரு ராணி காரு’ என்னும் படத்தினை இயக்கியுள்ளார். இதன் டீஸரில் விஜய் தேவரகொண்டாவின் தோற்றம், வசன உச்சரிப்பு உள்ளிட்டவை இப்படத்துக்கு எதிர்பார்ப்பை அதிகரித்திருக்கிறது.

இதில் நாயகியாக கீர்த்தி சுரேஷ் நடித்து வருகிறார். மேலும், இதன் ஒளிப்பதிவாளராக ஆனந்த் சி.சந்திரன், இசையமைப்பாளராக கிறிஸ்டோ சேவியர், சண்டை இயக்குநராக சுப்ரீம் சுந்தர் ஆகியோர் பணிபுரிந்து வருகிறார்கள். 1980-களில் கிழக்கு கோதாவரியை களமாகக் கொண்ட இந்தப் படம் டிசம்பர் 2026-ல் அனைத்து மொழிகளிலும் வெளியாகும் என படக்குழு அறிவித்துள்ளது.