பழம்பெரும் இயக்குநர் சிங்கீதம் சீனிவாச ராவ், தமிழ், தெலுங்கு, இந்தி, கன்னடத்தில் பல படங்களை இயக்கி இருக்கிறார்.
தமிழில், ராஜபார்வை, பேசும் படம், அபூர்வ சகோதரர்கள், மைக்கேல் மதன காமராஜன், மகளிர் மட்டும், மும்பை எக்ஸ்பிரஸ் ஆகிய படங்களை இயக்கியுள்ளார். 94-வது வயதான சிங்கீதம் சீனிவாச ராவ் தனது 61-வது திரைப்படத்தை இப்போது இயக்கி முடித்திருக்கிறார். இப்படத்துக்கு ‘சிங் கீதம்’ என்று தலைப்பு வைத்துள்ளனர்.
இதில் அயான், அகல்யா பாம்ரூ, ஷாலினி கொண்டேபுடி உள்பட பலர் நடித்துள்ளனர். அன்குர் சி ஒளிப்பதிவு செய்துள்ளார். தேவி பிரசாத் இசை அமைத்துள்ளார். இப்படத்தை வைஜயந்தி மூவிஸ் வழங்க, இயக்குநர் நாக் அஸ்வின் தயாரித்துள்ளார். ஜூன் 11-ல் வெளியாகும் இந்தப் படம் ஆர்வத்தை ஏற்படுத்தியுள்ளது. இதன் டீஸர் வெளியாகி வரவேற்பைப் பெற்றுள்ளது. தனது ஒவ்வொரு படத்தையும் வித்தியாசமாகக் கொடுத்திருக்கிற சிங்கிதம் சீனிவாச ராவ் இப்படத்தையும் அப்படியே உருவாக்கி இருப்பதாக சமூக வலைதளங்களில் கூறி வருகின்றனர்.