‘கே.ஜி.எஃப்’, ‘சலார்’ படங்களை இயக்கிய பிரசாந்த் நீல், அடுத்து இயக்கும் ‘டிராகன்’ படத்தில் ஜூனியர் என்டிஆர் கதாநாயகனாக நடிக்கிறார். அவர் ஜோடியாக ருக்மணி வசந்த் நடிக்கிறார்.
மைத்ரி மூவி மேக்கர்ஸ் தயாரிக்கும் இந்தப் படம் ஜூன் 11-ல் தெலுங்கு, தமிழ், இந்தி உள்பட 5 மொழிகளில் வெளியாக இருக்கிறது. இதன் முதல் கிளிம்ப்ஸ் வீடியோ சமீபத்தில் வெளியாகி வரவேற்பைப் பெற்றுள்ளது.
இதுபற்றி பேசிய பிரசாந்த் நீல், ” டீஸரில் நாங்கள் காட்டியிருப்பது வெறும் கதையின் பின்னணி மட்டும்தான். அதிலுள்ள விஷயங்கள், படத்தின் உண்மையான கதைக்கு முற்றிலும் மாறானவை.
இதுவரை யாரும் பார்த்திராத சிறந்த தேசபக்தி படத்தை உருவாக்க முயற்சி செய்கிறோம், அதில் வெற்றியும் பெறுவோம். நான், ஜுனியர் என்டிஆரை இக்கதாபாத்திரத்துக்காகச் சற்று எடையைக் குறைக்கச் சொன்னேன்.
ஆனால், அவர் அதை வெறித்தனமாக எடுத்துக் கொண்டு, 4 மாதங்கள் தீவிரமாக எடையைக் குறைத்தார். ஒரு கட்டத்தில் அவர் மிகவும் மெலிந்து, வெளுத்துக் காணப்பட்டார்.
எடையைக் குறைப்பதை நிறுத்தச் சொல்லியும் கேட்கவில்லை. இதைப் பார்த்துவிட்டு அவருடைய குடும்பத்தினர், நண்பர்கள் என அனைவரும் என் மீதுதான் கோபப்பட்டார்கள்” என்றார்.