துல்கர் சல்மான், சாத்விகா வீரவல்லி, ஸ்ருதி ஹாசன் ஆகியோர் முன்னணி கதாபாத்திரங்களில் நடித்துள்ள ‘ஆகாசம்லோ ஓக தாரா’ (ஏ ஒ டி) திரைப்படத்தைப் பவன் சாதினேனி இயக்கியுள்ளார். தெலுங்கில் உருவாகியுள்ள இப்படம், தமிழ், மலையாளம், கன்னடம், இந்தி மொழிகளில் வெளியாக இருக்கிறது. ஜி.வி. பிரகாஷ் குமார் இசையமைத்துள்ளார். சுஜித் சாரங் ஒளிப்பதிவு செய்துள்ளார். இப்படம் நவ. 20-ம் தேதி தமிழ், தெலுங்கு, இந்தி, மலையாளம் ஆகிய மொழி களில் வெளியாக இருக்கிறது.
இந்நிலையில் இப்படத்தின் டீஸரை படக்குழு வெளியிட்டுள்ளது. இதில் துல்கர் சல்மான், கிருஷ்ணா என்ற கதாபாத்திரத்தில் நடித்துள்ளார். கிராமத்தைச் சேர்ந்த ‘அமுலு’ என்ற இளம் பெண், தன் சூழ்நிலைகளை மீறி விண்வெளி வீராங்கனையாக மாற வேண்டும் என்ற தனது கனவுக்காகப் போராடுவதை மையமாகக் கொண்டு இப்படம் உருவாக்கப்பட்டுள்ளது. சமூகத் தடைகளையும், குடும்பத்தின் எதிர்ப்பையும் தாண்டி அவள் தன் கனவை நோக்கிப் பயணிப்பதே இதன் கதை. இதன் டீஸர் வரவேற்பைப் பெற்று வருகிறது.