தமிழ், தெலுங்கு, கன்னடம், மலையாளம், இந்தி என பல்வேறு மொழிகளில் கவர்ச்சி பாடலுக்கு நடனமாடியவர் டிஸ்கோ சாந்தி. 1980 மற்றும் 90-களில் பிரபலமாக இருந்த இவர், தெலுங்கு நடிகர் ஸ்ரீஹரியை காதலித்துத் திருமணம் செய்துகொண்டார். இவர்களுக்கு 2 மகன்கள் உள்ளனர். 1997-ம் ஆண்டு சினிமாவில் இருந்து ஒதுங்கிய டிஸ்கோ சாந்தி, ஹைதராபாத்தில் வசித்து வருகிறார்.
இந்நிலையில் மருத்துவமனையில் இருப்பது போன்ற புகைப்படத்தை அவர் பகிர்ந்திருந்தது பரபரப்பை ஏற்படுத்தியது.
இதுபற்றி அவரிடம் கேட்டபோது, “என் அம்மாவின் தோழி சமீபத்தில் காலமானார். இதற்காகச் சென்னை வந்துவிட்டு மாலையே ஹைதராபாத் திரும்பினேன். வந்ததும் உடன் நிலை மோசமாகிவிட்டது. மருத்துவமனையில் அனுமதிக்கப்பட்டு 10 நாட்கள் இருந்தேன். அங்கு இருக்க முடியாததால் வீட்டுக்கு வந்துவிட்டேன். வீட்டில் செவிலியர் ஒருவரை வைத்து பார்த்துக் கொள்கிறேன். இப்போது என் உடல் நிலை தேறி வருகிறது” என்றார்.