நடிகர் அல்லு அர்ஜுன் இப்போது அட்லி இயக்கும் ‘ராக்கா’ என்ற சயின்ஸ் பிக்சன் படத்தில் நடித்து வருகிறார்.
சன் பிக்சர்ஸ் தயாரிக்கும் இந்தப் படத்தை அடுத்து அவர் லோகேஷ் கனகராஜ் இயக்கும் படத்தில் நடிக்கிறார். அதற்கான லுக் டெஸ்ட் சமீபத்தில் நடைபெற்று முடிந்தது. இதையடுத்து மலையாள நடிகரும் இயக்குநருமான பசில் ஜோசப் இயக்கும் படத்தில் அவர் நடிக்க இருப்பதாகச் செய்திகள் வெளியாகி வந்தன.
இந்நிலையில் பசில் ஜோசப் தனது இன்ஸ்டா ஸ்டோரியில் ‘ஐகான்’ என்று எழுதப்பட்ட தொப்பியைப் பகிர்ந்து, அல்லு அர்ஜுனின் ‘ஆர்யா 2’ படத்தின் பிரபலமான பாடல் ஒன்றையும் இணைத்திருந்தார். இதன் மூலம், அல்லு அர்ஜுனுடன் அவர் இணைய இருப்பதை மறைமுகமாக உணர்த்தியுள்ளதாகவும் இது அவரின் 24-வது படம் என்றும் ரசிகர்கள் கூறி வருகின்றனர். இதை அதிகாரப்பூர்வமாக யாரும் உறுதிப்படுத்தவில்லை.