மந்திரவாதியாக ஃபஹத் ஃபாசில் நடித்துள்ள திரைப்படம், ‘டோன்ட் ட்ரபிள் தி ட்ரபிள்’. ஃபேன்டஸி, நகைச்சுவை படமான இதை ஷஷாங்க் யெலெட்டி இயக்கியுள்ளார். கால பைரவா இசையமைத்துள்ளார்.
ஷோயிங் பிசினஸ் நிறுவனத்தின் சார்பில் எஸ்.எஸ்.கார்த்திகேயா, ‘பாகுபலி’ படத்தை தயாரித்த ஆர்கா மீடியா வொர்க்ஸ் நிறுவனத்துடன் இணைந்து இப்படத்தை தயாரித்துள்ளார். இதன் டீஸர் வெளியாகி வரவேற்பைப் பெற்றுள்ளது.
”இதில் சூரி என்ற மந்திரவாதியாக ஃபஹத் ஃபாசில் நடித்துள்ளார். அவர் ஒரு சிறுமிக்கு மேஜிக் செய்து காட்டுகிறார். பின்னர் அந்த சிறுமியை மறையச் செய்வதன் மூலம் மற்றொரு பெரிய வித்தையை காட்டுவதாக உறுதி அளிக்கிறார். அப்போதுதான் அவருக்கு சிக்கல் தொடங்குகிறது. அது என்ன நடைபெறுகிறது என்பதே படத்தின் கதை. தெலுங்கில் உருவாகியுள்ள இப்படம் மற்ற மொழிகளிலும் செப். 11-ல் வெளியாக இருக்கிறது“ என்றது படக்குழு.