நடிகை அனுபமா பரமேஸ்வரன், தெலுங்கில் ‘டிஜே தில்லு’ என்ற படத்தின் 2ம் பாகத்தில் சித்து ஜோன்னலகட்டாவுடன் நடித்து வந்தார். ஹைதராபாத்தில் படப்பிடிப்பு நடந்து வந்தது. சில நாட்களாக படப்பிடிப்புக்கு அனுபமா தாமதமாக வந்ததாகக் கூறப்படுகிறது.
இது தொடர்பாக, சித்து - அனுபமா இடையே வாக்குவாதம் ஏற்பட்டது. இதனால், அந்தப் படத்தில் இருந்து அனுபமா விலகினார். அவருக்குப் பதிலாக மடோனா செபாஸ்டியனை ஒப்பந்தம் செய்துள்ளனர். படத்தைத் தயாரிக்கும் சித்தாரா என்டர்டெயின்மென்ட் நிறுவனம் மேலும் ஒரு படத்துக்கு மடோனாவை ஒப்பந்தம் செய்துள்ளது.