தமிழில் ரீமேக் ஆகும் ‘சு ஃபிரம் சோ’

கன்னட நடிகரும் இயக்குநருமான ராஜ் பி ஷெட்டி நடித்துள்ள படம், ‘சு ஃபிரம் சோ’. ஜே.பி.துமினாட் இயக்கியுள்ள இதில் ஷனீல் கவுதம், சந்தியா, பிரகாஷ் துமினாட் என பலர் நடித்துள்ளனர். ரூ.6 கோடி பட்ஜெட்டில் உருவான இந்தப் படம் ஜூலை 25-ம் தேதி வெளியானது. கர்நாடகாவில் சூப்பர் ஹிட்டாக ஓடிக்கொண்டிருக்கும் இந்த நகைச்சுவை படம், ஒரு கிராமத்துக்குள் நடக்கும் அமானுஷ்யமான சம்பவங்களை மையமாக வைத்து உருவாகியுள்ளது. இந்தப் படம் 24 நாட்களில் ரூ.104 கோடியை வசூல் செய்துள்ளது. கூலி, வார் 2 படங்களின் பிரம்மாண்டத்துக்கு இடையிலும் இந்தப் படம் வசூல் அள்ளி வருகிறது. இந்நிலையில் இந்தப் படம் தமிழில் ரீமேக் ஆக இருக்கிறது. பிரபல விநியோகஸ்தர் என்எஸ் ராஜ்குமார் என்பவர் இதன் தமிழ் ரீமேக் உரிமையைப் பெற்றுள்ளதாகக் கூறப்படுகிறது.