சென்னை: அறிமுக இயக்குநர் பரத் கிருஷ்ணமாச்சாரி இயக்கும் படம், ‘சுயம்பு’. நிகில் கதாநாயகனாக நடிக்கிறார். கதாநாயகிகளாக சம்யுக்தா, நபா நடேஷ் நடிக்கின்றனர். தாகூர் மது வழங்க, பிக்சல் ஸ்டூடியோ சார்பில் புவன் மற்றும் ஸ்ரீகர் தயாரிக்கின்றனர். இது, தமிழ், தெலுங்கு, இந்தி, மலையாளம், கன்னடம் என பான் இந்தியா முறையில் வெளியாக இருக்கிறது. ரவி பஸ்ரூர் இசையமைக்கிறார்.
வரலாற்றுப் பின்னணியில் உருவாகும் இந்தப் படத்துக்காக தற்காப்புக் கலை பயிற்சிப் பெற்றுள்ளார் நிகில். இந்நிலையில் இந்தப் படத்துக்காக ரூ.8 கோடி செலவில் பிரம்மாண்டமான போர்க்காட்சிகள், ஹைதராபாத்தில் படமாக்கப்பட்டு வருகின்றன. .
“அடுத்து 12 நாட்கள் போர்க்காட்சிகள் படமாக்கப் படுகின்றன. வியட்நாமை சேர்ந்தவர்கள் உட்பட 700 ஸ்டன்ட் கலைஞர்கள் இதில் பங்கேற்கின்றனர். படத்தின் ஹைலைட்டான காட்சிகளில் இதுவும் ஒன்றாக இருக்கும்” என்று தயாரிப்பு தரப்பில் தெரிவிக்கப்பட்டுள்ளது.