சென்னை: ஆபரணத்தங்கத்தின் விலை பவுனுக்கு ரூ.1,120 குறைந்து, ஒரு பவுன் ரூ.1,08,480-க்கு விற்பனை செய்யப்படுகிறது.
சர்வதேச பொருளாதார மற்றும் அரசியல் சூழல், கச்சா எண்ணெய் விலை, அமெரிக்க டாலருக்கு நிகரான இந்திய ரூபாயின் மதிப்பு, தங்கத்தின் மீதான முதலீடு, உலக பங்குச் சந்தை செயல்பாடு உள்ளிட்டவற்றின் அடிப்படையில் தங்கத்தின் விலை நிர்ணயிக்கப்படுகிறது. உலக அளவில் தங்கத்தை இறக்குமதி செய்யும் நாடுகளில் இந்தியா முன்னணியில் உள்ளது.
கடந்த மே மாதம் தங்கத்தின் மீதான சுங்க வரியை 6 சதவீதத்தில் இருந்து 15 சதவீதமாக மத்திய அரசு உயர்த்தியது. அதையடுத்து தங்கம் விலையில் தொடர்ந்து மாற்றம் ஏற்பட்டு வருவது குறிப்பிடத்தக்கது.
இந்நிலையில், ஆபரணத்தங்கத்தின் விலை பவுனுக்கு ரூ.1,120 குறைந்து, ஒரு பவுன் ரூ.1,08,480-க்கு விற்பனை செய்யப்படுகிறது. அதேபோல், கிராமுக்கு ரூ.140 குறைந்து, ஒரு கிராம் தங்கம் ரூ.13,560-க்கு விற்பனையாகி வருகிறது.
அதோடு, வெள்ளி விலையும் குறைந்துள்ளது. சென்னையில் வெள்ளி விலை கிலோவுக்கு ரூ 10,000 குறைந்து ஒரு கிலோ ரூ.2,50,000-க்கு விற்பனை செய்யப்படுகிறது. மேலும், கிராமுக்கு ரூ.10 குறைந்து ஒரு கிராம் ரூ.250க்கு விற்பனை செய்யப்படுகிறது. தங்கம் விலை குறைவது மக்களிடம் மகிழ்ச்சியை ஏற்படுத்தியுள்ளது.