நவம்பர் மாத ஜிஎஸ்டி வசூல் ரூ.1.70 லட்சம் கோடி!

புதுடெல்லி: ​நாட்​டின் சரக்கு மற்​றும் சேவை வரி (ஜிஎஸ்​டி) வசூல் நவம்​பர் மாதத்​தில் ரூ.1.70 லட்​சம் கோடி​யாக இருந்​தது.

இதுகுறித்து மத்​திய அரசின் புள்​ளி​விவரங்​களில் தெரிவிக்​கப்​பட்​டுள்​ள​தாவது: “நாட்​டின் ஜிஎஸ்டி வசூல் நவம்​பரில் ரூ.1,70,276 கோடி​யாக இருந்​தது. கடந்த 2024-ம் ஆண்டு நவம்​பரில் ஜிஎஸ்டி வசூல் ரூ.1.69 லட்​சம் கோடி​யாக இருந்​தது. அதனுடன் ஒப்​பிடும்​போது நடப்​பாண்​டில் ஜிஎஸ்டி வசூல் வெறும் 0.7% மட்​டுமே உயர்ந்துள்​ளது. இதற்கு ஜிஎஸ்டி குறைப்பே முக்​கிய காரண​மாக பார்க்கப்​படு​கிறது.

அதே சம​யம், நடப்​பாண்டு அக்​டோபரில் ஜிஎஸ்டி வசூல் கடந்​தாண்​டுடன் ஒப்​பிடு​கை​யில் ரூ.1.87 லட்​சம் கோடியி​லிருந்து 4.6 சதவீதம் அதி​கரித்து ரூ.1.95 லட்​சம் கோடியைத் தொட்​டது. 2025ம் ஆண்​டின் ஏப்​ரல் முதல் நவம்​பர் வரையி​லான 8 மாதங்​களில் ஜிஎஸ்டி வசூலானது 8.9 சதவீதம் உயர்ந்து ரூ.14,75,488 கோடி​யாக அதி​கரித்​துள்​ளது.

நிகர அளவி​லான ஜிஎஸ்டி வரு​வாய் நவம்​பரில் 1.3 சதவீதம் உயர்ந்து ரூ.1,52,079 கோடி​யாக உள்​ளது. வரி செலுத்​து​வோருக்கு வழங்​கப்​பட்ட மொத்த ரீபண்ட் 4 சதவீதம் குறைந்து ரூ.18,196 கோடி​யாக இருந்​தது. இவ்​வாறு அதில் தெரிவிக்​கப்​பட்​டுள்​ளது.